Skip to main content

Apeqqutinik akissuteqartoq: Siumumit Erik Jensen

Folketingimut qinigassanngortittut katillugit 17-iusut tamarmik apeqqutinik akinisaqarnissamik periarfissinneqarput. Siumumit Erik Jensen siullerpaalluni apeqqutit akivai

Sermitsiaq.AG-mi atuartartut arlaqartut Folketingimut qineqqusaartunut apeqquteqarput. Apeqqutit pitsaanerpaat aaqqissuisoqarfimmit toqqarneqarput. 

Qineqqusaartut apeqqutit akisimalereeraangassuk nittartakkamut saqqummiunneqartassapput. Isumaqatigiissutaareersumit akissutigineqartut takinaarneqarsimagaangata akissutaat naalisarneqartassapput. 

- Kina statsministerissatut toqqarpiuk?

- Socialdemokratit siulittaasuat Helle Thorning Schmidt

- Periarfissinneqaruit Namminersornermut isumaqatigiissut nutarterusussaviuk? (Aap imaluunniit naamik)

- Siumumi Qallunaat Nunaata sorsunnerni peqataasarnera akuleruffigerusunngilarput.

- Danmarki sorsunnernut assigiinngitsunut iluatsiffiunngitsunut peqataasareerpoq. Naalagaaffeqatigiinnermi illersornissamut politikkikkut Kalaallit Nunaat sunniuteqaqataanerussava? (Aap imaluunniit naamik)

-  Siumumi Qallunaat Nunaata sorsunnerni peqataasarnera akuleruffigerusunngilarput.

- Kalaallit ilinniarluarsimasut Danmarkimi najugaqartuusut qanoq angerlartinneqassapat?

- Kalaallit Danmarkimi Nunanilu allani ilinnikkaminnik naammassinittut Nunatsinni suliffissaqartarnissaat aqqutissiuullugu Danmarkimi ilinniartuutitsinnut nukittuumik ingerlaavartumik siunnersuisarfeqalernissaa Siumumiit sulissutigissuarput.

- Kalaallit Danmarkimi najugaqartunut pitsaanerusumik sullissisoqassava?

- Kalaallit Nunaat Qallunaat nunaatalu suleqatigiillutik Qallunaat nunaannut nunanullu EU-mut ilaasortaasunut kalaaliminernik annertunerusumik nassiussisalersinnaanissaa.

- Naalagaaffeqatigiinnermi killeqarfitsigut aporfiit atorunnaarsinneqassappat? (Aap imaluunniit naamik) aamma suut peerneqarnissaat illit pingaarnerpaatippiuk?

- Kalaallit Nunaat Qallunaat nunaatalu suleqatigiillutik Qallunaat nunaannut nunanullu EU-mut ilaasortaasunut kalaaliminernik annertunerusumik nassiussisalersinnaanissaa

- Naalagaaffeqatigiinneq ineriartorteqqinneqassava? (Aap imalluunnit naamik) Qanoq?

- Naalagaaffeqatigiinneq nukittorsarneqartuartariaqarpoq akaareqatigiinnikkut Qallunaat suleqatigalugu. Kalaallit Nunaat nunarsuarmi namminerisamik isumaqatigiinninniarsinnaanissamut pisinnaatitsissummik peqalissasoq kissaatigaara.

- Aleqa Hammondip Folketingimut qineqqusaarnera pissusissamisoorpa? (Aap imaluunniit naamik)

- Qinersisartut tamanna kisimik akissuteqarfigissavaat ulloq 18. juni 2015 qinersinermikkut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER