Skip to main content

Apeqqutinik akissuteqartoq: Siumumit Aleqa Hammond

Folketingimut qinigassanngortittut katillugit 17-iusut tamarmik apeqqutinik akinisaqarnissamik periarfissinneqarput. Siumumit Aleqa Hammond akissuteqarpoq

Sermitsiaq.AG-mi atuartartut arlaqartut Folketingimut qineqqusaartunut apeqquteqarput. Apeqqutit pitsaanerpaat aaqqissuisoqarfimmit toqqarneqarput. 

Qineqqusaartut apeqqutit akisimalereeraangassuk nittartakkamut saqqummiunneqartassapput. Isumaqatigiissutaareersumit akissutigineqartut takinaarneqarsimagaangata akissutaat naalisarneqartassapput. 

- Statsministerissatut kina toqqarpiuk?

Danskit qinersisartut statsministerissartik toqqassavaat, qinersinerup inernera ataqqillugu.

- Periarfissinneqaruit Namminersornermut isumaqatigiissut nutarterusussaviuk? (Aap imaluunniit naamik)

- Namminersornermut inatsit atuuttoq torrallataavoq.

- Danmarki sorsunnernut assigiinngitsunut iluatsiffiunngitsunut peqataasareerpoq. Naalagaaffeqatigiinnermi illersornissamut politikkikkut Kalaallit Nunaat sunniuteqaqataanerussava? (Aap imaluunniit naamik) 

- Nunatsinnoqqissaaq tunngasunut illersornissamut isumaqatigiissummut sunniuteqarnerusariaqarpugut (akissut naalineqarpoq)

- Kalaallit ilinniarluarsimasut Danmarkimi najugaqartuusut qanoq angerlartinneqassapat?

- Uternissamut kajuminnartuutitsinikkut, inissatigut, suliffissatigut, meeqqeriveqarnikkut aammalu angerlalernerini attaveqarluarnikkut aqqutissiuussisumik.

- Kalaallit Danmarkimi najugaqartunut pitsaanerusumik sullissisoqassava?

- Naalagaaffeqatigiinnni atukkat assigiittariaqarput, pisinnaatitaaffiit assigiit, aqqutissat naligiit aammalu kiffartuussineq naleqquttoq.

- Naalagaaffeqatigiinnermi killeqarfitsigut aporfiit atorunnaarsinneqassappat? (Aap imaluunniit naamik) aamma suut peerneqarnissaat illit pingaarnerpaatippiuk?

- Niuernikkut, inuussutissarsiornikkut eqaallisaanikkullu aqqutissat sulissutigineqassapput.

- Naalagaaffeqatigiinneq ineriartorteqqinneqassava? (Aap imalluunnit naamik) Qanoq?

- Inuiaqatigiit naalagaaffeqatigiitsillutik ineriartortuasrput, pingaartitat tulluarsartuarlutik. Aamma siunissamut.

Aleqa Hammondimut apeqqut: Danmarkimut isornartorsiuisarputit, sooruna taava Folketingimut qinigassanngortippit?

- Danmarkimut isornartorsiuineq ajorpunga, piumasaqaateqartarpungali erseqqissunik kalaallit nukittuumik oqariartuuteqarfigalugit. Isornartorsiuinerunani erseqqissuliorneruvoq.

Aleqa Hammondimut apeqqut: 106.363,27 koruunit pissutaallutik tunuartariaqalernikuuvutit, taamaattorli aningaasanik amerlanerusunik suli atuisimanerit saqqummiunneqartareerpoq. Suli avammut saqqummiunneqanngitsut saqqummiunniarpigit? Kisitsisit suli naatsorsorneqarsimanngippata, ataatsimut tamaasa kisinneqarnissaat qinnuteqaatiginiarpiuk? (Aap imaluunniit naamik) 

- Pisortanut akiligassanngilanga.

- Aleqa Hammondimut apeqqut: Folketingimut isissaguit danskisut oqalunniarpit? (Aap imaluunniit naamik) 

- Danskit danskisut oqaluuttarpakka allamiullu allamiutut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER