Apeqqutit

Apeqqutinik akissuteqartoq: Demokraatinit Poul Hansen

Folketingimut qinigassanngortittut katillugit 17-iusut tamarmik apeqqutinik akinisaqarnissamik periarfissinneqarput. Demokraatinit Poul Hansen apeqqutit akivai

Demokraatit sinnerlugit Folketingimut qinigassanngortittoq Poul Hansen

Sermitsiaq.AG-mi atuartartut arlaqartut Folketingimut qineqqusaartunut apeqquteqarput. Apeqqutit pitsaanerpaat aaqqissuisoqarfimmit toqqarneqarput.

Qineqqusaartut apeqqutit akisimalereeraangassuk nittartakkamut saqqummiunneqartassapput. Isumaqatigiissutaareersumit akissutigineqartut takinaarneqarsimagaangata akissutaat naalisarneqartassapput.

- Kina statsministerissatut toqqarpiuk?

- Danmarkimi innuttaasut tamaanna aalajangissavaat.

- Periarfissinneqaruit Namminersornermut isumaqatigiissut nutarterusussaviuk? (Aap imaluunniit naamik)

- Naamik

- Danmarki sorsunnernut assigiinngitsunut iluatsiffiunngitsunut peqataasareerpoq. Naalagaaffeqatigiinnermi illersornissamut politikkikkut Kalaallit Nunaat sunniuteqaqataanerussava? (Aap imaluunniit naamik)

- Naamik, Danmarkimit tamanna akisussaaffigineqarpoq

- Kalaallit ilinniarluarsimasut Danmarkimi najugaqartuusut qanoq angerlartinneqassapat?

- Inuit sumi najugaqarusunnerlutik namminneerlutik aalajangissavaat. Soorunami uternissaat neriuutiginaraluarpoq.

- Kalaallit Danmarkimi najugaqartunut pitsaanerusumik sullissisoqassava?

- Danmarkimi najugaqartutut pisinnaatitaaffeqassapput. Aammami kalaallit ingerlalluartut amerlapput.

- Naalagaaffeqatigiinnermi killeqarfitsigut aporfiit atorunnaarsinneqassappat? (Aap imaluunniit naamik) aamma suut peerneqarnissaat illit pingaarnerpaatippiuk?

- Killeqarfitsigut aporfiit atorunnaartinnissaat pillugit apeqqut isarinngilaq. Kisianni misissuisoqartariaqarpoq, isumaqatiginninniartoqartariaqarpoq pingaarnersiuisoqarlunilu.

- Naalagaaffeqatigiinneq ineriartorteqqinneqassava? (Aap imalluunnit naamik) Qanoq?

- Naalagaaffeqatigiinneq ersarissaaq nukittuujussallunilu. Kalaallit Nunaannut pitsaanerpaaq anguniarlugu isumaqatiginninniarusuppunga.

- Aleqa Hammondip Folketingimut qineqqusaarnera pissusissamisoorpa? (Aap imaluunniit naamik)

- Siumut tassani akisussaavoq. Demokraatit Folketingimut qinigassanngortitaat pitsaasuupput.

Powered by Labrador CMS