Skip to main content

Anthon Geisler ilineqarpoq

Ilulissani ukiorpassuarni namminersorluni sulisoq, Anthon Geisler, ilisaavoq ullumi tallimanngornermi.

Anthon Geisler, Ilulissani ukiorpassuarni kioskiuteqartoq, ilineqarpoq ullumi tallimanngornermi.

Anthon Geisler sapaatiummat 102-nik ukioqarluni toqukkut qimaguppoq.

- Eqqissisimasumik ilisineq ingerlanneqarpoq, ilaqutaasut nalunngisaalu ilisinermi peqataallutik. Silaqqitsorsuarmi ilineqarpoq, seqinnerluni issippallaarnanilu, Nukannguaq Geisler oqarpoq.

Anthon Geisler Ilulissani ilisaavoq
Nukannguaq Geisler

Ilulissat katersortarfianni ilisisoqareersoq kaffillertoqarpoq.

Anthon Geisler Aamaruutissani 1919-mi inuuvoq, Ilulissani Illumiuni qasusuilluini ukiorpassuarni kioskiuteqarluni. 101-nik ukioqarluni kioskiutimini suliunnaarpoq.

Anthon Geisler Qaasuitsup Kommuneqarallarmat 2011-imi piorsarsimassutsikkut nersornaaserneqarpoq, ukiullu marluk matuma siorna 100-liineranut atatillugu Nersornaammik siilviusumik nersornaaserneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER