Anthon 101-ink ukioqalersoq: Utoqqalinera malugisinnaavara
Anthon Geisler Ilulissaneersoq tallimanngorpat februaarip21-ani 101-inik ukioqalissaaq. Ilulissat illoqarfiata immikkoortortaani Illumiuni kioskini suli nammineq isumagisaraa. Maannali utoqqalinini malugilersimavaa.
- JSuli peqqilluarpunga. Kisianni malugisinnaavara sulinerma unitsikkiartornissaanut piffissanngulersoq. Tamanna sivitsortumi isumaliutigisarpara iliuuseqarfiginissaanullu piffissanngulinnguatsiarpoq, Anthon Geisler angerlarsimaffiminiit oqarpoq.
Angerlarsimaffini nammineq isumagisarivaa aammalu kioskiutiminut suliassat attuumassuteqartut ullaap tungaa isumagisarpai. Kioskimi pisiniartitsineq nalunaaqutaq marluniit unnukkut qulingiluat tungaanut isumagisarpaa.
- Sapaatip akunnerani ullut tamaasa ammasarpunga. Ukiormanna inuuissiornissara persuarsiutigilersaanngilara. Siorna 100-liigama persuarsiukuttooreerpugut. Taamaattoq inuuissiorninni angerlarsimaannassallunga naatsorsuutigaara, Anthon Geisler 100-liinermini Nersornaammik sølviusumik saqqarmiulerneqartoq oqarpoq.
Aqqit allat pillugi nutaarsiassat AG-mi atuakkit – ugguuna iserfigisinnaavat: