Anorlernissaanik aarlerisaarut: Atortunik teqqartoqarsinnaanera politiinit mianersoqqussutigineqarpoq
Kujataani anorlernera pissutaalluni innuttaasut mianersornissaat politiinit kissaatigineqarpoq
Annonse
Qaqortumi 20-it 25-illu akornanni anorlertoq Nanortalimmi 35-40 tikillugit anorlertoq DMI-mi ullup qeqqata missaani takuneqarsinnaavoq.
Kujataani suliffeqarfiit sanaartorfimminni isumannaallisaaqqullugit piaartumik politiinit piumasaqarfigineqarput.
- Maanna anorlilersimagami teqqartoqangaatsiarpoq, ilaatigut inunnik ulorianartorsiortitsisunik. Inuit piumaffigissavagut pigisatik qajannaaqqullugit. Aammattaaq umiatsiaatillit piumaffigineqarput umiatsiatik nakkutigeqqullugit, aporaannissaat, avalannissaat kivinissaalluunnit pinaveersaartinniarlugu, politiit tusagassiutinut nalunaaruteqarput.
Anorip qatsoriartulernissaa DMI-mit ilimagineqarpoq.