Skip to main content

Anorisaat 25 meterinik portussusilik Sisimiuni napparneqarpoq

Sisimiuni sapaatip akunnerata naanerani anorisaatini marluusussani siulleq napparneqarpoq

Nukissiorfiit nunaqarfinni anorisaatissanik Sisimiuni misileraavimmik pilersitsinissani ingerlappaa. Anorisaat siulleq sapaatit akunnerata naanerani napparneqarpoq kaavillualereerlunilu.

 Nukissiorfiit tusagassiutinut nalunaaruteqarput.

- Misileraaffimmut siunertarineqarpoq anorisaatinik mikinnernik Kalaallit Nunaannut tunngatillugu misileraanissaq, taakku nunami maani nunaqarfinnut nappartitsinneqannginnerani. Pilersaarut tassaavoq novembarip naalernerani Sisimiuni eqqaavissuup eqqaani anorisaatit marluk napparneqareersimanissat, Nukissiorfiit ilisimatitsipput.

Inoqarfiit anorisaateqarlernissaat
Pineqartut tassaapput anorisaatit mikinerusut ajornarpallaanngitsumik napparneqarsinnaasut – kranersuarnik atuinngikkaluarluni. Anorisaat 25 meterit missaannik portussuseqarpoq 25 kW-mik sarfaliorsinnaalluni. 

Nukissiorfinnit ilimagineqarpoq anorimit nukissiorneq pingaaruteqalerumaartoq, nukissiornermik pissarsiffiusinnaasunut ataavartumik tunngaveqartunut allanut ilanngulluni, soorlu imermit nukissiorneq aamma seqinermit nukissiorneq – tassani anguniakkap 2030 illoqarfinni aamma nunaqarfinni tamani ataavartumik tunngaveqartumik nukissiornerup atulerneqarnissaata angusinnaanissaanut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER