Anori nutaanik iluatsitsinernik nalliuttorsiuteqarpoq
Filmip Anorip Europami takutinneqarneri siullerni isiginnaarianik ulikkaaqattaarpoq
’Anori’-p suliarinnittui sapaatiummat unnukkut Kalaallit Illuutaanni ilasseqatigiittoqarneratigut filmip Grand biografimi Københavnimi takutinneqarnera iluatsilluartoq nalliuttorsiutigaat.
Ilitsersuisoq Pipaluk Kreutzmann Jørgensen takutitsinerup inunnik ulikkaarluinnartup kingorna nuannaarpaloqaaq.
- Inimi taama kusanartigisumi filmi takutillugu nuannerpoq, taanna oqarpoq.
Pingaarnertut inuttaasoq Nukâka Coster-Waldau ilassinninnermi aamma takutitsivoq. Tassami Karina Møllerilu nipilersoqatini Suluit tusarnaartitseqatigai, HH Suersaq aamma Kristoffer Jul Reenberg peqatigalugit.
Grandimi takutitsineq sioqqullugu filmi Gøteborgimi pingasoriarluni takutinneqarpoq, tassanilu aamma inunnik ulikkaarpoq.
'Anori' marsip aallartinnerani Danmarkimi Nordatlantiske Filmdage ingerlanneqalerpat takuteqqinneqassaaq.