Paamiut
Anorersuarnissaanik ilimasaarut: Atuarfiit suliffeqarfiillu matoqqassapput
Paamiuni anorersuarnissaa ilisimasaarutigineqarmat atuarfik suliffeqarfiillu aqagu marlunngornermi matoqqanissaat Kommuneqarfik Sermersuumit aalajangerneqarpoq
Annonse
Aqagu marlunngornermi februarip 6-ni Paamiuni anorersuassamaarpoq, anoraap sakkortussusaa sekundimut meterimut 35-40 missaannik anorlissangatinneqarluni.
- Isumannaallisaaneq eqqarsaatigalugu meeqqat atuarfiat Atuarfik Tuuiisaq, meeqqeriviit kommunillu allaffia ulloq naallugu matoqqassapput, Kommuneqarfik Sermersooq nittartakkamini allappoq.
Ulussaarsuaq
Nuummi Paamiunilu ulussaarsuarnissaa DMI-mit ilimasaarutigineqarpoq. Kalaallit Nunaata kitaani kujataanilu marlunngorpat anorsarissaaq, sumiiffiit ilaanni ulussaarsuarsinnaalluni.