Skip to main content

Anorersuarnikkut ajoqusernernut atatillugu pisortanit ikiorsiisoqarsinnaanersoq apeqqutigineqarpoq

Kangaatsiami aalisartut piniartullu aqqanillit umiatsiatik annaavaat juullilinnginnerani anorersuarnerani. Pisortanit ikiorserneqarsinnaanerlutik apeqquteqarput

Nunatta kitaani juullingajalersoq anorersuarmat Kangaatsiami umiatsiat aqqaneq marluk annaaneqarput. 

Taamatut pisoqarneranut atatillugu Partii Naleraq tunuliaqutaralugu Inatsisartunut ilaasortaq Anthon Frederiksen naalakkersuisunut suleriaaseq malillugu paragraf 37 najoqqutaralugu apeqquteqarpoq. Umiatsiamik annaasaqartut pisortanit ikiorserneqarsinnaanersut apeqquteqarpoq. 

Eqqugaasut sillimmasiinikkut ikiorserneqarsinnaanngippata Namminersorlutik Oqartussatigut pilersitseqqinniarnermut ikiorsiisinnaanermullu qinnuteqarnissamut periarfissaqartut aalisarnermut piniarnermut nunalerinermullu naalakkersuisoq Siumumeersoq Karl-Kristian Kruse akissuteqarpoq. 

- Aalisartut piniartullu taperserneqarnissamik qinnuteqarnissamut periarfissaqarput Inuussutissarsiutigalugu aalisartut, piniartut inuussutissarsiutigalugulu nunalerinermik ingerlataqartut aallarteqqinnissamut tapiiffigineqartarnerat pillugu Inatsisartut inatsisaat malillugu, Karl-Kristian Kruse Anthon Frederiksenimut akissuteqarpoq. 

Qinnuteqaateqartut ikinnerpaanik 2.000 kroninik amerlanerpaanillu 25.000 koruuninik qinnuteqaateqarsinnaasut Karl-Kristian Kruse oqarpoq. 

Aalisartut piniartullu eqqorneqarsimasut qinnuteqaateqarsimapputtaaq.

- Kangaatsiap eqqaani pigisat ajoqusernerat anorersuarnerup kinguneratigut pillugit Naalakkersuisoqarfiup qinnuteqaatinik tigusaqaarnikuuvoq. Suliassat taakku inatsisip iluani malittarisassat naapertorlugit suliarineqarumaarput, Karl-Kristian Kruse allappoq. 

Taamaakkaluartoq Naalakkersuisoqarfik allappoq qinnuteqartumut taamaallaat tapiissutinik aningaasaliisoqarsinnaavoq aningaasaliissutinut sinaakkutani taakkunani atorneqarsimanngitsunik aningaasassaqartitsisoqarpat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER