Aviisi paasissutissiissutaasoq kalaallisut qallunaatullu saqqummersitaq, nittartakkamik naqitamillu akuleriissitsisoq, namminersortutut pisortanilu suliffeqarfippassuarnut saqqummiussassamik tamakkiisumik nutaarsiassaqarnermut sammitinneqartumik avammuq saqqummiussaqarusuttunut aaqqiissutaasoq nuannarineqarluartoq. Tusagassiorfiummi Sermitsiaq.AG-mi tusagassiuutitigut aallaaviit innuttaasunut asseqanngitsumik saqqumilaartitsinissamik periarfissiipput.

 

Sammisanik aviisinillu paasissutissiissutaasunik ukiumut 25-t missaanniittunik saqqummersitsisarpugut. Sullitarisartakkavut tassaapput Illersornissaqarfik, Royal Greenland, Royal Arctic Line, TELE POST, Peqqissutsimut Naalakkersuisoqarfik, Inuussutissarsiornermut Naalakkersuisoqarfik, Aalisarnermut Naalakkersuisoqarfik, Pinngortitaleriffik allallu. Tusagassiorfik atuakkanik atuagassianillu aamma saqqummersitsisarpoq.

Makkua neqeroorutigaavut:

Aviisi paasissutissiissut nalinginnaasumik aviisit nuna tamakkerlugu saqqummersartut marluk Sermitsiaq aamma AG peqatigalugit saqqummersinneqartarpoq kiisalu tusagassiorfiup nutaarsiassanik nittartagaani Sermitsiaq.AG-mi – Kalaallit Nunaanni nutaarsiassanik nittartakkat ullormut 20.000-30.000-inik atuisoqarluni alakkarneqarnerpaartaanni - akeqanngitsumik saqqummersitatut saqqummersinneqartarluni. Taamaalilluni aviisi paasissutissiissut Kalaallit Nunaanni innuttaasunit tamanit pissarsiarineqarsinnaalissaaq. Saqqumilaartitsineq annertunerulersinnaanngilaq.

Allaaserisat immikkut toqqakkat nittartakkami banneritut immikkut takutinneqartarput, taakkunanngaanniillu atuartartut allaaserisanut pingaarnerutitanut toqqaannartumik ingerlatinneqartarlutik. Illersornissaqarfimmit aviisit paasissutissiissutaasut ilaanni banneritut ussassaarutit pingasut 1.172.516-init ikinnerunngitsunik alakkarneqarsimapput. Bannerinik alakkaanerit tamarmik kisitsisitigut paasissutissanngorlugit saqqummiunneqarnissaat neqeroorutaavoq.

Onlinemik bannerit saqqummersitamut linkitallit aqqutigalugit www.Sermitsiaq.AG-mi ulluni arfineq-marlunni nittarsaassineq.

Naqitat immikkut amerlassusilernissaannut periarfissaqarpoq, tamatumunnga ilanngullugu aviisinik najukkanut toqqartukkanut agguaaneq. Aviisit pappiarartaat tamarmik avatangiisinut mingutsitsisuunngitsutut uppernarsaateqarput assigiinngitsunillu pitsaassusilerlugit inniminnerneqarsinnaallutik.

Tusagassiorfiup Sermitsiaq.AG-p assinik toqqorsiverujussua assiliisua suliassanut tamanut akeqanngitsumik atugassiissutigineqassapput.

Imaaliussaagut:

Sullitat amerlanerpaartaannit tusagassiorfiup aviisit paasissutissiissutaasut suliarineqarnerinut peqataanissaa kissaatigineqartarpoq. Taamaattoqartillugu sammisamut aaqqissuisoq sullitaq peqatigalugu allaaserisanut aaqqissuulluagaasumik pilersaarsusiortarpoq, suliaq aallaqqaataaniit naggataanut aqunneqarsinnaaqqullugu.

Tusagassiorfik sammisanut tusagassiortoqarpoq misilittagartuunit arlalinnik Kalaallit Nunaanni pissutsinik ukiorpassuarnik misilittagaqartunik. Taakkua piginnaasaat suliassallu qanoq ittuussusia apeqqutaatillugit atorneqartarput. Aviisip paasissutissiissutaasup atuagassaqqissusia qaffassarniarlugu aaqqissuisoqarnikkut sakkussaasivimmit periutsit siamasissut atorneqartarput. Tiguartinnartunik assitalersuinissaq pingaartinneqartarpoq. Aviisi paasissutissiissutaasoq quppersakkamut assingunngisaannartussaavoq. Atuartut qaffaseqatiginissaat saqqummiussamillu soqutiginartumik tutsuiginassuseqartumillu tunniussaqarnissaq pineqarput. Tamanna tusagassiorfiup aviisinik paasissutissiissutaasunik suliaqarnermi iluatsilluartumik ingerlasoqartarneranut tunuliaqutaavoq.

 

Tusagassiorfimmit immikkut ilisimasalinnit ikiorneqarnissap toqqannginnissaaq namminerlu aviisinik paasissutissiissutaasunik ineriikkanik tunniussaqarnissaq taamaallaallu siammarterinermut periarfissaatitsinnik atuinissaq soorunami periarfissaapput.

Ima akeqarput:

Aviisip paasissutissiissutaasup akianut suliassap qanoq ittuussusaa piffissamillu atuineq aalajangiisuupput. Aviisit paasissutissiissutaasut siornatigut suliarisimasatta ilaat linki tulliuttoq aqqutigalugu takusinnaavaatit:

http://aviisi.sermitsiaq.ag/diverse/

Paasisaqarnerunissaq soqutigigukku taava attaveqarfigiuk:

Chr. Schultz-Lorentzen

Pisortaaneq

Tusagassiorfik Sermitsiaq.AG

Christian@ag.gl, 383951/520582