Skip to main content

Annersaasarnerit naalakkersuisumit kanngusuutigineqartoq

- Meerartagut toqqissisimananngitsumik inuuneqartissinnaanngilagut, naak toqqisisimanarnerpaamiinniartussaagaluartut, ilaqutariinnermut naalakkersuisoq, Martha Lund Olsen oqarpoq

Majimi paasisitsiniaaneq 'Persuttaasarneq Unitsilli – Oqaatigiuk' aallartissaaq. Paasititsiniaaneq sulisunut, ulluinnarni sulinerminni meeqqanik ilaqutariinnillu persuttaanermik nalaataqarsimasunik attaveqartartunut sammitinneqarpoq.

Paasisitsiniaanermi ataasiakkaatut inuunerput akisussaaffeqarnerpullu sammineqassaaq, aammalu innuttaasunik persuttaanermik eqqugaasunut sulisut assigiinngitsut qanoq iliorlutik pitsaanerusumik tapersersuinissaminnut ikiuilluarnissaminnullu suleqatigiissinnaanersut. 

- Nassuerutigisariaqarparput, persuttaasarneq assut ajornartorsiutaammat, inuttut aningaasatigullu kingunerluutilerujussuusinnaasartoq. Meerartagut toqqissisimananngitsumik inuuneqartissinnaanngilagut, naak toqqisisimanarnerpaamiinniartussaagaluartut, tassalu angerlarsimaffimminni, inuiaqatigiittut tamanna akuersaaginnarsinnaanngilarput. Aamma innuttaasut annersagaasimasut nipangiusimaneqaannarsinnaanngillat, naak assannik isaassivigineqartussaagaluartut. Persuttaasarnermik akiuiniarnermi, ataatsimoortariaqarpugut, nipangiusimannikkunnaarlutalu ajornartorsiut ammasumik oqaluuseralugu, ilaqutariinnermut naalakkersuisoq, Martha Lund Olsen oqarpoq. 

Suliniutissat 31-t
Paasisitsiniaanermi qitiuvoq digitalikkut atortussanik aallertarfissaq nutaaq, www.oqaatigiuk.gl, persuttaasarneq pillugu ilisimasanik kisitsisitigullu naatsorsuinernik, sulisut iliuusissannut ilitsersuutinik siunnersuutinillu, assersuutigalugu arnamik persuttarneqarsimasumik ajunnginnerpaamik qanoq tapersersuisoqarnissaanik nalornisunut meeraanillu illersuinissaq pillugu, inatsisit pillugit ilisimasanik, tapersersuinissamut suut neqeroorutaanersut allarpassuarnillu imalik. 

Toqqagassami Atortussat neqeroorutillu neqeroorutit, atuagassiat, ilinniutit kiisalu pinnguaat aporfiusinnaasutut pisuusaartitaq, ilaqutariinni persutaasoqarsimatillugu sullissinermi sulisut iliuusissatut periarfissaannik, suleriusissaannullu tapertarisassatut atugas-siaasut pissarsiarineqarsinnaapput. Aammattaaq tassani oqaluttualiaaqqat marluk ilaap-put kalaallit arnat inuusuttut allassimasaat, tarnillu pissusaanik ilisimasalimmit oqaaseqarfigineqartut. 

Paasisitsiniaanermi anguniagassatut qitiutinneqartoq tassaavoq sullissisut isumaginnit-toqarfiit, ilaqutariit illui, qimarnguiit, napparsimaviit, politiit il. il. qanoq suleqatigiilluar-nerusinnaanerat pillugu oqallitsitsinissamut aallarniisoqarnissaanik kaammattuinissaq, taamaalillutillu ikioqatigiilluarnerullutik persuttaasarnermik pinaveersaartitsillutik, ilaquta-riinnillu persuttaanertaqanngitsumik inuuneqarnissamut ikiuinissamut. 

- Nalunngilarput, paasisitsiniaanerit suli amerlanerusut ikiortissarsiorusunnerannik tapersersorneqarusunnerannillu malitseqartartut. Taamaattumik salliutillugu pingaartip-parput ilaqutariinni persuttaasoqartarnerata iliuuseqarfiginissaa, isumaginninermi siun-nersortit, peqqissaasut, perorsaasut sulisullu allat ilaqutariinni persuttaasoqartarnera pillugu ataqatigiissaakkamik paasisimasaqarpalaartumillu iliuuseqarnissaannut atortus-saminnik ilisimasanillu pissarsisinnaalernissaat, Martha Lund Olsen oqarpoq.

Paasisitsiniaaneq 'Persuttaasarneq unitsilli – Oqaatigiuk' Naalakkersuisut 2014-2017-imut persuttaasarneq akiorniarlugu periusissatut iliuusissatullu pilersaarutaanni iliuusissat 31-it ingerlanneqartussat siullersaraat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER