Skip to main content

Annaassiniarsimaneq: Arfineq-pingasut annaanneqarsimapput - qimmit 79-it qimaannarneqarsimallutik

Inuit arfineq-pingasut arfinilinnik qamutillit 79-inillu qimmillit Ilulissani Kangiani siku qupimmat ajornartorsiulermata, Air Greenlandip qulimiguuliutaanik sisamanngormat unnukkut annaassiniartoqarsimavoq.

Ilulissat Kangiani siku qupimmat inuit arfineq-pingasut namminneerlutik nunakarsinnaasimanngitsut pillugit Issittumi sakkutooqarfik nal. 18.30 nalunaarfigineqarsimavoq.

Inuit arfineq-pingasut taakku qulimiguulimmut qaqinneqarsimapput, qimmilli 79-it qamutillu sikumut qimaannarneqarsimallutik.

Qimmit annaanneqassasut

Issittumi Sakkutooqarfimmit ilisimatitsissutigineqarpoq, inuit annaanneqarsimasut umiatsiamik qimmit qimaannakkat annaanniarlugit ullaaq manna aallarnissamik pilersaaruteqartut.

Issittumi Sakkutooqarfimmi pigaartup oqaatigaa, najukkami politiit Ilulissat Kangiani ingerlaqqinneq ajulersimasut sumiissusersiniarneranni kingusinnerusukkullu ajoratik Ilulissanut apuunneqarmata iluaqutaasimaqisut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER