Annaassiniarneq: Nukappiaqqat qeqertamit ingerlaqqinneq ajulersimasut

Nukappiaqqat pingasut arfininngornermi ullaakkut qeqertamut Aasiaat avannaata tungaaniittumut aaneqarsimappput, angallatiminni benziinaaruttoorrsimasut.

Issittumi Sakkutooqarfik arfininngornerup unnuaani pingasunut tanneq pingasut Kalaallit Nunaanni Politiinit nalunaarfigineqarsimavoq, nukappiat Aasiaat avannaata tungaaniittumi qeqertamit ingerlariaqqissinnaajunnaarsimasut.

- Nukappiaqqat Aasiannut uternissaminnut naammattumik benziinaateqarsimanngillat, Sakkutooqarfimmi tusagassiornermut pisortaq Søren Lindhardt Sermitsiaq.AG-mut oqaluttuarpoq.

Nukappiaqqat ingerlariaqqissinnaajunnaartut nalunaarutigineqarmat, Issittumi Sakkutooqarfik najukkami umiatsiamik attartorsimavoq, arfininngornerup ullaavani qeqertamut aallartussamik:

Najukkami politeeq aallaeqataasimasoq

- Najukkami politeeq ataaseq nukappiaqqanik ujaaseqataasimalluni angerlaasseqataasimavoq, Søren Lindhardt oqaluttuarpoq.

Nukappiaqqat arfinginngornermi ullup qeqqata siorna, umiatsiamut attartukkamut ilaallutik umiatsiartillu kalitsillugu Aasiaat tungaanut ingerlaarput.

Søren Lindhardtip nassuiaatigaa, siku pujorlu pissutigalugit nukappiaqqanik aallernissaq ullaamut utaqqitinneqarsimasoq.

Powered by Labrador CMS