Anna Wangenheim Inatsisartunit sulinngiffeqarpoq
Demokraatineersup Anna Wangenheimip maanna ataatsimiittoqarnerani takussaannginnera nuannaarutissamik pissuteqarpoq. Tassami taanna aappanilu piffissami qaninnermi meerartaartussaapput.
Annonse
Demokraatit Inatsisartunut ilaasortaatitaminni pingasuusuni taarsiisimapput, tassami Anna Wangenheim qitornartaarnermut atatillugu sulinngiffeqarpoq. Tassunga taarsiullugu Bjørk Lange Kristensen upernaakkut ataatsimiittunut peqataavoq.
- Bjørk sulilluarnissaanik kissaappara, qularinngilaralu Nivi Olsen aammalu Jens-Frederik Nielsen suleqatigilluarlugit angusaqarluarumaartoq, taanna Facebookimi allappoq.
Bjørk Lange Kristensen kingullermik 2021-mi Inatsisartunut qinersisoqarnerani 70-nit qinerneqarpoq.
Anna Wangenheim aappanilu ernertaartussaapput, pilersaarullu malillugu januaarimi 2024-mi erninerminut atatillugu sulinngiffeqareerluni suliartoqqissalluni Sermitsiaq.AG-mut ilisimatitsivoq.