Skip to main content

Ann Andreasen Uummannameersoq: Misigisanni ajornerpaavoq

Uummannami meeqqat angerlarsimaffianni pisortaq, Ann Andreasen, ukiuni 32-ni Nunatsinni najugaqarpoq. Sapaatip-akunnerata siuliani misigisaasa ajornerpaat ilagaat. ''Pisoq nassuiaruminaappoq, illuanilli inuit qanoq suleqatigiinnerat takullugu tupinnarpoq.''

Arfininngornermi unnukkut nalunaaqutaq qulinut Ann Andreasen Uummannami meeqqat angerlarsimaffianilu sulisut sinnerisa ajorluinnartumik pisoqartoq paasisartulerpaat. 

- Illoqarfimmiut tamarmik sissamut arpaliupput, pisorlu qanoq ulorianartiginersoq paasiartupallapparput. Umiatsiat aalasorujussuupput, inuillu susoqarnersoq paasinngilaat, Ann Andreasen Sermitsiaq.AG-mut oqaluttuarpoq.

- Portunerusumukartariaqarpugut
Taassuma sulisut sinneri peqatigalugit meeqqat inuusuttullu meeqqat angerlarsimaffianeersut tamaasa qaqqamukartippai.

- Portunerusumukartariaqartugut oqaqattaarpunga, tassami mallit 30 meterisut portussusillit aggertut tusaratsigu, taamaammat tamatta portusuumukarnissarput pingaartippara. Katillugu akunnerit arfinilingajaat silamiippugut, Ann Andreasen oqarpoq.

Sapaatip-akunnerata naanerani meeqqat inuusuttullu najugaqartut 34-isunit 25-t meeqqat angerlarsimaffianiipput.

Inuit suleqatigiittut takullugit tupinnartoq
Ann Andreasen katillugu ukiuni 32-ni Uummannami najugaqarpoq. Misigisimasamini ajornerpaat ilagigaat, taanna oqaluttuarpoq.

- Migisimasanni ajornerpaavoq. Kisianni illuanik oqaatigerusuppara, inuit qanoq suleqatigiinnerat ikiuunnerallu takullugu nuannerlunilu tupinnartoq. Tamaninngaanniik. Timmisartortartut silaannarmi qanoq sulinersut takullugit, inuit umiatsianik amusisut ikioqatigiinnerat, politiit aamma qatserisartut sulinerat pitsaalluinnarpoq, Ann Andreasen oqarpoq.

Aamma atuaruk: Assit: Aleqap aamma Ann Andreassen nersorniarpaa

Psykologit ikiuuttut
Meeqqat inuusuttullu paasisaqaratik annilaangasut meeqqat angerlarsimaffiani pisortatut akisussaaffigalugit susoqarsimaneranik paasitinnissaat unammillernarsinnaavoq.

- Qujanartumik psykologeqarpugut, soorunami tamanna pillugu meeqqat oqaloqatigivaat, Ann Andreasen oqarpoq.

- Meeqqat aamma suliaqarput, politiit aamma upalungaarsimasut suliassanik ikioramikkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER