Skip to main content

Aningaaserivik: Piujuartitsinissaq pimoorunneqarli

Kalaallit Nunaanni suliffeqarfiit allannguinissamik eqqarsaateqanngippata, tassa ingerlatsineq piujuartitsinissamik tunngaveqartinneqalinngippat, aningaasaliissutigineqartartut kaaviiaartinneqartartullu annaaneqassapput.

Grønlandsbankenip ukiumoortumik naatsorsuusiornerminut atatillugu inuiaqatigiit aningaasaqarnerannik nalilersuineq ukiut tamaasa saqqummiuttagaa, oqaatsimik "piujuartitsinermik" imaqarluarpoq.

- Kalaallit Nunaat periarfissanik iluaqutigisassatsinnik pilersitsisimanersoq aamma ajoqutaasinnaasunik pinaveersaagassatsinnik pilersitsisimanersoq eqqumaffigineqarnerujartuinnarpoq, nalilersuinermi piujuartitsinissamik anguniagaqarnerup suliffeqarfinnut tamanut sunniuteqartussamik erseqqissaasumi allassimavoq.

Piffissaagallartillugu iliuuseqartoqarnissaa

Nalilersuinermi piffissaagallartillugu iliuuseqartoqaqqusisoqarpoq aamma suliffeqarfiit kaammattorneqarput, ingerlatseriaatsiminnik ”iluanaaruteqarfigisartakkaminnik aamma piujuartitsinerup malitsigisaanik ajoqutaasunik aaqqiissuteqarfigisartakkaminnik” inerisaallutillu allannguinissaq ullumikkut aallarteriissagaat.

- Apeqqutaavoq Kalaallit Nunaat ukiualuit qaangiuppata iliuuseqarsimanngitsutut, piujuartitsisoqarnissaanik avataani suleqatigisartakkat naatsorsuutaannik malinnissimanngitsutut aamma ingiarneqarsimasutut taamalu pitsaasumik isigineqarunnaarsimasutut isigineqalersimassanersoq? Imaluunniit Kalaallit Nunaanni suliffeqarfiit piujuartitsinermi siuttut ilaattut naleqqussarsimasutullu aamma eqqumaffigineqarneq piujuartitsinerlu atorlugit siuarsaasutut ingerlatsilersimasutut isigineqalersimassanersoq, nalilersuinermi allassimavoq.

Grønlandsbankenimit aamma oqaatigineqarpoq, nuna siunissami ajoqutaasinnaasunik pilersitsissanngippat ”Namminersorlutik Oqartussat anguniakkanik minnerunngitsumillu periarfissarpassuit iluni periusissiassanik aalajangersaallutillu saqqummiussissariaqartut”.

Periusissiat amerlanerit

Aningaaserivimmit oqaatigineqarpoq, Namminersorlutik Oqartussat aatsitassarsiornermu takornariartitsisarnermullu atatillugit suliarilluakkanik periusersiorsimanerminni angusaqarsimaqisut, inissaqartitsinerulli, sanaartornerup, aalisarnerup, nukissiuuteqarnerup, ilinniartitaanerup isumaginninnerullu iluini taamatut suliniuteqartoqarnissaa ujartorlugu.

- Piujuartitsinissap iluani inuiaqatigiit aningaasaqarnerannut atatillugu periusissiornissaq pisariaqartinneqarpoq, aningaaserivimmit erseqqissaassutigineqarpoq.

Aamma atuaruk: Piujuartitsineq aallaavigalugu suliffimmik ineriartortitsineq Kalaallit Nunaanni siuarsaassaaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER