Aningaasat utaqqineqarput
Kommune Kujalliup aningaasaqarnermut atortui akornusersuipput. Kisianni tamanna Kujataani inuussutissarsiortunut ajornartorsiutit minnersaraat, siulersuisunut siulittaasoq Lars Motzfeldt Qaqortoq Entreprenørforretningimeersoq taama isumaqarpoq.
Kommune Kujalleq akiligassanik akiliiniarnermi suli kinguaattooqqavoq. Inuussutissarsiortut tamanna ernummatigaat, taakku siunissaq ernumanartoqartippaat - ingammik kommunip aningaasarliornera eqqarsaatigalugu.
Aviisi Sermitsiaq taama allappoq.
Akiliinermut atortorissaarut nutaaq unammillernartoqartitsisoq, Kujataani kommunip siornatigut nassuaatigaa, kisianni siulersuisunut siulittaasoq Lars Motzfeldt Qaqortoq Entreprenørforretningimeersoq nalornissuteqarpoq.
- Qaammat ataaseq sinnerlugu matuma siorna aamma taama oqarput. Kommunip aningaasaqarnikkut ajornartorsiuteqarneranik akiliinissat immaqa kinguarsaraat ernummatigilluinnarpara, taanna Sermitsiamut oqarpoq.
Akuersaarneqarsinnaanngitsoq
- Kisianni sunaluunniit pissutaagaluarpat akuersaarneqarsinnaanngilaq. Uagut pisortanut akiligassagut piffissaq eqqorlugu akilinngikkaangatsigit, erngertumik akitsuusersuisoqartarpoq aamma eqqaasitsissutinik akiligassiisoqartarpoq, Lars Motzfeldt oqarpoq, suliffeqarfik annertuumik akileraarutinik uninngatitsisoq taanna oqaluttuarpoq.
- Akiliinngikkutta ingerlaannaq tusassajunnarsivarput.
Aviisimi Sermitsiami atuarnerusinnaavutit. Aviisi uani pissarsiariuk: