Skip to main content

Aningaasat peqquserluutit sumi malunnarunnaarsarneqartassappat?

Pinerlunniartartunut pinerlunniarnissaq ajornakusoornerulersinniarlugu nutaamik maanna periaaseqartoqalerpoq. Timersortunik eqqoriaanernik nakkutilliineq siunissami sakkortuserujussuarneqassaaq.

Politiit pinerlunniartartunik  angerlarsimaffinni aalajangersimasuni misissueqqissaaraangamik, ilaanneeriarlutik allattuiffissianik ajugaassutaasimasunik Danske Spil'ineersunik (siornatigut Dansk Tipstjenestemik taaguuteqartumeersunik) naammattoorsisarput.

Tamakku soorlu hasheerniartartunit aningaasanik peqquserluutinik malunnarunnaarsaanermut atorneqarsinnaapput. Allattuiffissianik eqquissutaasunik tigumiaqarunik aningaasat ”unioqqutitsinngitsumik” pissarsiarisimallugit taakku uppernarsarsinnaavaat. Tassa iluatsitsinermikkut.

Aviisi AG taama allappoq.

Tamatuma kingorna aningaasat biilinut umiatsianut akilersorlugit pisiaminnut akilersuinerminnut aamma pisiassanut akisoorsuarnut atorsinnaavaat, oqartussanut nassuiaasariaqassanatik aningaasallu suminngaanneersuunerat uppernarsarsinnaallugu.  

- Tips aamma Oddset suliat ilaanni aningaasanik malunnarunnaarsaanermut atorneqartarsimasut ilisimavarput, soorlumi aamma uppernarsaatit Oddsetimeersut ikiaroornartunik suliani misissueqqissaarnernut atatillugu ilaanneeriarluta naammattoortarivut, Nunatta Politiivinit attaveqaqatigiinnermut immikkoortortamit AG-mut mailikkut taama allapput.

Naalagaaffimmit pigineqartumi Danske Spil'imi, ilaatigut Nunatsinni Tips aamma Oddsimik ingerlatsisumi, periaaseq aamma ilisimaneqarpoq. Ilaatigut tamanna patsisigalugu ingerlatsivik taanna eqquiniaanermi kortimik, inummit namminermit pigineqartussamik, Spil-id-mik taaneqartartumik, kioskimi takutinneqartartussamik atuutilersitsiniarpoq.     

- Kalaallit Nunaanni tamakkuninnga tuniniaasuni eqquiniaanermi kortit, oktobarip aallaqqaataanniit Oddsetimik aamma tipsimik eqquiniaanermi atorneqartalissapput. Pisiniarfinni kinaassutsimik isertuussilluni eqquiniaasinnaaneq atuukkunnaarpat, aningaasat ingerlaarnerat malinnaaffigiuminarnerulissapput, tusagassiisartut pisortaat Thomas Bille Winkel taama nassuiaavoq.   

- Ilaatigut meeqqat inuusuttuaqqallu 18-it inorlugit ukiullit aningaasanoorsinnaanissaat pinngitsoortinniarlugu, kortimik atuilissaagut, nangilluni taama oqarpoq.

Aviisimi AG-mi nutaami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER