Skip to main content

Aningaasaqarnikkut Kalaallit Nunaata ineriartunnginnissaa Grønlandsbankenimit naatsorsuutigineqarpoq

Naak banki kvartalimi siullermi angusarissaaraluartoq Nationalbankenimi rentikinnerata pissutigisaanik Grønlandsbanken aningaasarsiornikkut ingerlariaqqinnissaanut unittoortitsivoq

Kalaallit Nunaanni aningaaseriviit annersaat aallartilluarpoq. Nalinik nalimmassaanerit nalikilliliinerillu pitinnagit angusat 13 procentinik qaffariarput, ukioq kingullermut sanilliullugu 34,5 million koruuniulerlutik.

Grønlandsbankenip qaammatini siullerni pingasuni taarsigassiissusiinerisa sillimasiissusiinerisalu iluini qaffanneqalaarpoq katillugit 100 million koruunit missinginik, tamanna bankip pisortaata nuannaarutigaa. 

Rentikinnera tatimasititsivoq
- Angusat naammagisimaarnarluinnartumiipput minnerunngitsumik eqqarsaatigigaanni erniat maanna appasilluinnartumiinnerat aammalu ilisimallugu sullissat ilarpassui kontominni uninngatitaqartut.

- Uninngasuutit taarsigassiissutinit amerlanerugaangata taava tamanna uatsinnut annassaqaataasarpoq uninngasuutit ilai Nationalbankimut inissikkallartariaqaraangatsigit, aningaaserivimmi pisortaq Martin Kviesgaard oqarpoq. 

Inuussutissarsiorneq
Naak erniat appasissorujussuarmiinnerisa qulaani angusat ammut naqikkaluaraat aningaaseriviup pisortaata tamatuma aamma ajungitsortarisinnasai isiginiarpai.

Ukiut kingulliit Kalaallit Nunaanni aningaasaqarnikkut ineriartorneq minusimiinnikuusoq 2015-imi aningaaserivimmit naatsorsuutigineqarpoq  minusiujunnaarluni 0-imiilissasoq, kisianni sanaartornerup qaffakkiartornera inuussutissarsiornermut malunnaateqalersussaassaaq. 

- Qaammatini pingasuni siullerni angusat ukiup pitsaasumik ingerlanissaanik tikkuussipput. Taamaattumik aningaaseriviup naatsorsuutigivaa 2015-imi naammaginartumik ineriartortoqarnissaq, naak erniat appaseqisut ingerlatsinermik naqittaassigaluartut, Martin Kviesgaard oqarpoq. 

Grønlandsbankip ukiumi naatsorsuusiorfiusumi 2015imi nalinik nalimmassaanerit nalikilliliinerillu pitinnagit 125-145 million koruuninik angusaqarnissamik isumalluaatit attatiinnarpai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER