Skip to main content

Aningaasaqarnermut Siunnersuisoqatigiit: Corona pillugu naatsumik nalunaarusiortoqassaaq

Aningaasaqarnermut Siunnersuisoqatigiit coronap nunarsuarmi tuniluunnerata aningaasatigut kinguneqaatai qitiutillugit nalunaarusiaq maajip qaammataata qiteqqunnerani saqqummiunniarpaat.

Kalaallit Nunaanni Aningaasaqarnermut Siunnersuisoqatigiit siorna apriilip qaammataani ”Pisussatut takorluukkat” pillugit nalunaarusiaq, coronap nunarsuarmi tuniluunnera Kalaallit Nunaata aningaasaqarneranut qanoq sunniuteqassaneranik takutitsisoq saqqummiuppaat

- Siorna pisoq assigalugu pilersaarutaavoq, coronap nunarsuarmi tuniluunnera tunngavigalugu nalunaarusiaaqqamik suliaqarnissaq, Aningaasaqarnermut Siunnersuisoqatigiinni siulittaasoq, professori Toben M. Andersen Sermitsiaq.AG-mut ilisimatitsivoq.

Ernumagisaasimasutut pisoqarsimanngitsoq

Siunnersuisoqatigiit ukiup ataatsip matuma siorna nalilerpaat, nunarsuarmi tuniluuttoqarnera Kalaallit Nunaannut arlalitsigut eqquissasoq. Kingusinnerusukkulli paasinarsivoq, aningaasaqarnikkut kinguneqaataasut ernumagisaasimasutut Kalaallit Nunaannut sunniuteqarpallaanngitsut, siunnersuisoqatigiit ukiakkut nalunaarusiaanni allassimavoq.

Kalaallilli Nunaanni aalisakkanik avammut tunisaqartartut Kinamut tunisaqarniarnerminni ajornartorsiuteqartarsimapput, aalisarnermilu unammilligassaqarnermi kinguneqaataasinnaasut Kalaallit Nunaata aningaasaqarneranut qanoq sunniuteqarumaarnersut nalunaarusiaaqqami qitiutillugit sammineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER