Aningaasaqarnermut siunnersuisoqatigiit inerniliinerat ilinniartitsisunit 'ajornannginaarineruniarpallaartutut' nalilerneqarpoq

Aningaasaqarnermut Siunnersuisoqatigiit ukioq manna nalunaarusiaminni ilinniartitaanerit immikut sammisaraat. Siunnersuisoqatigiit ernumassutigaat, meeqqat atuarfiinik pitsanngorsaaniarnerup kingaappallaarnera pissutigalugu, ukioqatigiiaat arlallit annaassagigut.

IMAK, ilinniartitsisut kattuffiata isumaqataaffigaa, atuagarsorneq pitsanngorsaavigineqassasoq, tamanalu siusissukkut iliuuseqarnikkut pissasoq.

Akisussaaffik pillugu apeqqut

Kisianni ilinniartitsisut atuarfinnilu aqutsisut akisussaaffii pillugit isumaqataajunnaarput.

- IMAK-i isumaqarpoq ajornannginaarneruniarpallaartoq, aningaasaqarneq pillugu siunnersuisoqatigiivisa nalunaarusiami ima allannerat, Atuarfinni pisortat ilinniartitsisullu perorsaaneq pillugu piginnaanilittut atuartut pisinnaasanik piginnaasanillu taassumalu qaffasissusaa akisussaaffigigaat, IMAK-ip siulittaasua Karl Frederik Olsen tusagassiuutinut nalunaarummi allappoq.

- Soorunami Atuarfinni pisortat ilinniartitsisullumi akisussaaffimmik annertoorujussuarmik tingummiaqarput, kisianni eqqaamasariaqarpoq atuarfinni pisortat ilinniartitsisullu piginnaasatik atugassagunikkit sakkussat perorsaanermut tunngasut atuarfinniittariaqartut, taama nanginneqarpoq.

Aningaasaqarnermut Siunnersuisoqatigiit atuarfiit angusaasa ammasumik ingerlanneqarnissaanik kissaateqarpoq.

Kisianni Aningaasaqarnermut Siunnersuisoqatigiit isumaqarput, ilinniartitsisut aqutsisullu akisussaaffimminnik naammassinninnissaat politikerinit qulakkeerneqassasoq.

- Atuarfimmi aqutsisut akisussaaffimmik tassannga eqqortitsinissaannik kommunalbestyrelsip isumaginninnissaa pingaaruteqarpoq, atuarfiillu ataasiakkaat atuartut alloriarfinni misilitsinneranni inaarutaasumillu misilitsinneranni angusarineqartunik saqquminerutitsinissaat qulakkeerlugu, aammali atuarfiit atuartitsinerminni piffissamik atuinerannik, napparsimanermi sulinngitsoornerit annertussusaannik, vikarinik atuinermik, angajoqqaanik akuutitsinermik il.il. saqqumititsinermikkut, siunnersuisoqatigiit nalunaarusiami allassimapput.

Ilisimasat maqaasineqartut

Kisianni IMAKip oqaatigaa arlarleriarlutik Nunatsinni meeqqat atuarfiini suut ajornatorsiutaanerini pillugit misissuisoqarnissaanik ujartuisarsimangaluarlutik.

Kattuffiup apeqqutinut akissuteqartoqarnissamik ilaatigut ima kissaateqarput:

Qanoq atuartup ilinniarniarneranut sunniuteqartoqartarnersoq, atuartup ulloq naallugu ajornartorsiutit atuarfiup avataani pisut eqqarsaatiminiitiinnavikkaagagit?

Atuartut immikkut pisariaqartitsisut atuaqatigiinnut qanoq sunniuteqartarnerat, taakkualu klassemi amerlassusaasa kinguneri?

Atuartut ilikkagaqarniarnerannut qanoq sunniuteqartarnersoq, ilinniartitsisut annertuumik atuartitsivinni fag-ini atuartitsinermut piginnaasarinngisaminni atuartitsisarnerat?

- Taasarialinnut ilaalluinnarpoq, atuartup ilikkarniarnerata pittanngorsarnissaanut qulaani
taakkartorneqartut iliuuseqarfiginissaat, Karl Frederik Danielsen taama isumaqarpoq.