Aningaasaqarnermut Ataatsimiititaliaq: Piffissaalatsisupilussuuvugut
Aningaasaqarnermut Ataatsimiititaliaq 2020-mut aningaasanut inatsisissap aappassaaneerlugu suliarineqarnissaa sioqqullugu piffssaalatsinerarpoq
Naalakkersuisut aningaasanut inatsisissatut sunnersuutaannut siullermut sanilliullugu, maanna ukioq 2023 ilanngullugu ukiuni aningaasanut inatsiseqarfiusuni IS-imi katillugit 70,6 millioner koruuninik amigaartooruteqarnissaq Naalakkersuisunit naatsorsuutigineqarpoq. Tassa aningaasanut inatsisissatut siunnersuut amigartooruteqarunnaartoqarnissaata tungaanut allanngortinneqaqattaassaaq.
Aningaasaqarnermut Ataatsimiititaliamit naatsorsuutigineqarpoq, siunnersuutissap inuiaqatigiit aningaasaqarnerannut iluaqutaasussap suliarineqarnissaanut piffissaalatsisoqarsinnaasoq.
Eqqumaffigeqquneqartoq
- Ataatsimiititaliamit ajornartorsiummik tamatumannga Naalakkersuisut immikkut ittumik eqqumaffiginninnissaat kajumissaarutigineqarpoq, ataatsimiititaliaq siunnersuutip aqangu marlunngornermi aappassaanik suliarineqannginnerani isumaliutissiissummini allappoq.
Aamma ernummatigineqarpoq, Naalakkersuisut ataatsimoortumik tapiissutit pillugit kommuninik isumaqatiginninniarnerminnik suli naammassinninnginnerat.
- Ataatsimiititaliamit taamaammat Naalakkersuisut kaammattussavavut, isumaqatiginninniarnerit piaartumik naammasseqqullugit, angusallu sinnersuummut matumunnga ilannguteqqullugit, ataatsimiititaliap Naalakkersuisunut kaammattuutaa taamatut nipeqarpoq.
ERP – naammassineqarneq ajortoq
Aningaasaqarnermut aqutsissutip (ERP) nutaap 2020-p naanerani atuutinneqalernissaanut immikkut ittumik 14 millioner koruuninik aningaasaliissuteqaqqinneq Aningaasaqarnermut Ataatsimiititaliamit aamma ernumassutigineqarpoq.
- Suliniut taamaalluni naammassineqassanersoq imaluunniit naammassineqanngisaannassanersoq pillugu eqqarsaasersortoqartalernikuuvoq, taamatut nipilimmik oqartoqarpoq.
Hele ERP pillugu suliniut 100 millioner koruuningajalluinnarnik maannamut naleqarpoq, pilersaarutaavorlu ilassutitut aningaasaliissutit 14 millioner koruuniusut avillugit Namminersorlutik Oqartussat syv millioner koruuninik ataatsimoortumillu tapiissutit iluarsiiffigineqarnerisigut kommunit syv millioner koruuninik akiliuteqassasut.