Aningaasaqarnermut Ataatsimiititaliap sipaaruteqarniarneq itigartippaa
Akileraartarnermut Aningaasaqarnermullu Ataatsimiititaliap Naalakkersuisut miliuunilikkaanik sipaaruteqarniarnerat itigartissimavaa, sipaaruteqarniarnermi pingaartumik isumaginninnermut peqqissutsimullu attuumassuteqartut sipaarniarfigineqaraluarput.
Aningaasaqarnermut Naalakkersuisoq Vittus Qujaukitsoq 73 millioner koruuninik sipaaruteqarniarnerminik iluatsitsinngilaq. Vittus Qujaukitsup siparuteqarniarni taasimavaa ”Nunatta Karsiata imaanik misissuineq”, nassuiaatigalugulu corona pissutigalugu kontuni arlalinni aningaasat atorneqarsimanngitsut.
Taamatut nassuiaateqaraluartoq Akileraartarnermut Aningaasaqarnermullu Ataatsimiititaliap 22 millioner koruunit sinnerlugit sipaaruteqarniarneq akerlilersimavaa, isumaqarlunilu Naalakkersuisut 73 millioner koruuninik sipaaruteqarniarnerminnut tunngavilersuutaannut tunngatillugu erseqqissumik akissuteqarfigineqarsimanani.
Imaqarniliaq kingusinaaqisoq
-Ataatsimiititaliap suliaq manna pillugu Naalakkersuisunut allakkamini kingullermi kontut pingaarnerit aningaasaliissutinik ikilisaaffiginiarneqartut tamaasa pillugit Naalakkersuisut erseqqinnerusumik itisiliissasut ataatsimiitaliamit kissaatigineqarpoq. Sipaarniutaasut inuiaqatigiinnut suliassaqarfimmullu sipaarniuteqarfigineqartumut namminermut sunniutissaat itisiliinermut ilannguteqquneqarlutik. Naalakkersuisut taamaallaat tunngavilersuutinik nalinginnaasunik atuinerminnik uteqqiisimasut ataatsimiititaliamit paasineqarpoq, aningaasaqarnermut ataatsimiititaliap juulip 21-ani ataatsimiinneranit imaqarniliami kingusinaaqisumi allassimavoq.
Aamma atuaruk: Sipaarutiginiakkat 12 mio. koruuniniit 72 mio. koruuninut amerlineqarsimapput
Aamma atuaruk: Vittus: Atuinikinnerusimaneq sipaarniarnermut pissutaasoq
Finansudvalget havde i et tidligere svar til Naalakkersuisut understreget, at man ønskede at undgå nedskæringer på borgernære områder inden for social- og sundhedsområdet.
- Naalakkersuisut Namminersorlutik Oqartussat sipaaruteqarsinnaanerannik takutitsiumappata, tamatuma pisortat allaffissornerini sipaaruteqarnikkut pinissaa ataatsimiititaliamit kissaatiginartinneqarneruvoq, matumani assersuutigalugu qarasaasiarsornermut siunnersorteqarnikkullu suliassaqarfinni suliassaqarfinnilu allani ingerlatsinikkut kinguaattoorfioreersuni, ataatsimiititaliap imaqarniliaa naapertorlugu politikkerit Naalakkersuiunut taamatut ilisimatitsisimapput.
