Skip to main content

Aningaasaqarnermut akileraartarnermullu ataatsimiititaliap oqariartuuteqarnerata kingorna: Siumup gruppiani tuaviortoqanngitsoq

Kalaallit Airports A/S-ip aamma Munck Gruppen A/S-ip isumaqatigiissuteqarnerat pillugu aningaasaqarnermut akileraartarnermullu ataatsimiititaliap oqariartuuteqarneranut Siumup Inatsisartuni gruppiat suli isummersimanngilaq. Tamanna pingasunngorpat oqaluuserissavarput, Siumup gruppiani siulittaasoq ilisimatitsivoq.

Kalaallit Airports A/S-ip aamma Munck Gruppen A/S-ip akornanni mittarfiit pillugit isumaqatigiissut pilersaarutit malillugit aqagu marlunngornermi Københavnimi atsiorneqassaaq.

Inatsisartuni aningaasaqarnermut akileraartarnermullu ataatsimiititaliami amerlanerussuteqartut tallimanngormat tusagassiuutinut nalunaarummik nassiussaqarput, tassani atsiornerup kinguartinneqarnissaa piumasarineqarpoq.

Suliniutip aningaasaqarnermut aamma inuiaqatigiit aningaasaqarnerannut kingunissat pillugit paasissutissanik naammanngitsunik ataatsimiititaliaq pisimalluni isumaqarnera tamatumunnga tunngavigineqarpoq.

- Taamaattumillu inuiaqatigiinni aningaasaqarneq eqqarsaatigalugu mittarfissuarnik suliniuteqarnerup aningaasalersorneqarnera pillugu Aningaasaqarnermut Ataatsimiititaliaq ilisimatinneqartinnagu ataatsimiititaliami ammerlanerussuteqartut piumasarivaat isumaqatigiissutip atsiorneqannginnissaa. Amerlanerussutillit isumaat malillugu isumaqatigiissutip atsiorneqarnissaanut tunngavissat amigarmata, tusagassiuutinut nalunaarummi, Siumumeersup Hermann Berthelsenip siulittaasuuffigisaani tamanna oqaatigineqarpoq.

Eqqissisimasoq

Taamaattorli Siumup Inatsisartuni gruppiata siulittaasuata, Karl-Kristian Krusep, ataatsimiititaliap oqariartuutaa eqqissisimasumik tiguaa.

- Ataatsimiititaliap sulinera soorunami ataqqivarput, inatsisit atuuttut malillugit sulimmata. Kisianni oqariartuutigineqartoq Siumumi gruppitsinni suli isummerfiginngilarput, pingasunngorpat aatsaat ataatsimiittussaagatta, Karl-Kristian Kruse, ataatsimiititaliami aamma ilaasortaasoq, Sermitsiaq.AG-mut taama oqarpoq.

Ataatsimiittoqartinnagu suliaq tamanna oqaaseqarfigeqqinnianngilaa.

Demokraatit Naalakkersuisut suli tapersersorpaat, Kalaallit Airports A/S-ip aamma Munck Gruppen A/S-ip isumaqatigiissutaanut tunngatillugu paasissutissat amiganngitsut isumaqarput.

Sermitsiaq.AG ineqarnermut naalakkersuisumit, Karl Frederik Danielsenimit (S) aamma Naalakkersuisunut siulittaasumit, Kim Kielsenimit (S) oqaaseqartitsinialeruttorpoq, taakku marluullutik aningaasaqarnermut akileraartarnermullu ataatsimiititaliap tallimanngormat erngertumik ataatsimiigiaqqusineranut aggersarneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER