Skip to main content

Aningaasanut missingersuut 15,8 mio. kr.-ninik sinneqartooruteqartoq Kujalliup akueraa

Kommune Kujallermi kommunalbestyrelsemi ilaasortat tamarmiusut, kommunip 2023-mut aningaasanut missingersuutissaa pingasunngornermi ataatsimiinnermi akuersissutigaat. IT-kkut sillimaniarneq aamma isumaginninnermi siunnersortinik atorfinitsitsinissaq aningaasaliiffigineqarput.

Kommune Kujallermi kommunalbestyrelsemi ilaasortat aningaasanut missingersuut 2023-moortoq pingasunngornermi ataatsimiinnermi akuersissutigaat. Kommuni tusagassiorfinnut taama nalunaaruteqarpoq.

Aningaasanut missingersuut ima isikkoqarpoq:

  • Isertitassatut naatsorsuutit 661 mio. kr.
  • Ingerlatsinermut sanaartornermullu aningaasartuutit: 645,2 mio. kr.
  • Sanaartornermut aningaasartuutaasussat: 31,8 mio. kr.
  • 2023-mut sinneqartoorut: 15,8 mio. kr.

- Ukioq manna missingersuusiornitsinni Inatsisartut missingersuutinut killiisimanerat ilungersunartorsiutigaarput. Ataatsimiititaliat 80 mio. kr.-it tikillugit kissaateqarsimapput, taamaammallu uggornanngitsuunngilaq 2023-mut ataatsimiititaliat kissaaterpassui piviusunngortinneqarsinnaanngimmata, borgmester Stine Egede (IA) oqarpoq.

Ataatsimiititaliat kissaataannut aningaasat 7.156.000 koruunit atorneqarsinnaasimapput. Taamaattumik kissaatit 80 milliuunit koruuninik naleqartut tamakkerlugit piviusunngortinneqarsinnaasimanngillat.

Pingaarnersiuineq

Kommune Kujallermi atuarfinni isumaginnittoqarfinnilu sulisussaqarniarneq ajornartorsiutaasimavoq.

Kommunilu IT-qarnikkut aamma saassunneqarsimaqqammerluni.

Kommunip aningaasat 7 mio. kr.-nit sumut atussanersut aamma qularinngilluinnarpaa.

Kommunalbestyrelsi ilinniartitsisunik isumaginninnermi siunnersortinik atorfinitsitsisoqarpat akissarsiassaannnut, qarasaasiatigut isumannaallisaanermut kiisalu qatserisartutut ilinniartitsinermut sillimmatissanik immikkoorsitsiniarluni aalajangerpoq.

Siumut aallartut

Kommune Kujalleq 2021-p qiteqqunnerani aningaasanut missingersuutini 17,5 mio. kr-t sinnerlugit atuisimasoq.

Missingersuutit killilerneqarsimanerat pillugu kommuni suliniutinik aallartitsinissamut ilungersunartorsiorallarpoq, taamaattumillu kommunalbestyrelse aningaasaqarnermut Naalakkersuisumut allagaqaateqarpoq, pingaartumik Qaqortumi mittarfissap malitsigisaanik inuussutissarsiornikkut ineriartortitsisoqarnissaa eqqarsaatigalugu, kiisalu inersimasut aammalu meeqqat inuusuttuaqqallu eqqarsaatigalugit pinaveersaartitsisoqarnissaa suliassani salliutinneqarpoq, tamatumanilu ilaqutariinnut kommunimullu atugassarititaasut tigussaasut pitsaasut pisariaqartinneqarput.

- Maanna isumaginninnermi siunnersortitut ilinniartitsisutullu atorfiit amerlanerusut inuttalerneqarnissaat ilungersuuttussanngorparput. ”Ilinniarsimasunik sulisoqalernitsigut inuttut ajornartorsiutit kingornuttaqattaakkat ilorraap tungaanut saatsinneqarnissaat neriuutigilluinnarparput, Stine Egede oqarpoq.

Kommunalbestyrelsi ataatsimiinnermini aalajangerpoq kommunip inuussutissarsiutinik ineriartortitseqatigiiffiutaanut, Innovation South Greenlandimut, kiffartuunneqarnissamik isumaqatigiissut ukiumut marlunnut atuuttussanngorlugu isumaqatigiissutigineqassasoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER