Skip to main content

Aningaasanut inatsit: Kalaallinut inuusuttunut inuussutissarsiornermillu ineriartortitsinermut millionit

Danmarkimi aningaasanut inatsisissamut isumaqatiginninniarnerit naammassipput, ukiullu siulianut sanilliullugu ukiunut sisamanut saniatigut 50 millionit koruuninik aningaasaliisoqarpoq.

Aningaasanut inatsisissamut Nunanut Avannarlernut aningaasaliissutit inissinneqarput, Inuit Ataqatigiillu Aaja Chemnitz siuttoralugu isumaqatiginninniarnernit angusat naammagisimaarpaat.

Partii tusagassiuutinut nalunaarummi taama allappoq.

Siorna suliniutinut qulinut aalajangersimasunut ukiuni sisamani, kalaallinut innuttaasunut iluaqutaasussanut aningaasaliissutaasimasut saniatigut 48 millionit koruuninik qulakkeerinnittoqarsimasoq, IA ilisimatitsivoq.

Aningaasat ilaatigut inuussutissarsiornikkut ineriartortitsinermut siuarsaanermut aamma inuusuttunut iluaqutaassapput.

Atukkat pitsaanerusut

Aaja Chemnitz oqarpoq:

- Isumaqatigiinniarnernut peqataajartorpunga inuusuttatsinnut aamma sumiiffinni ataasiakkaani inuussutissarsiutinik ingerlatsisunut aningaasaliisoqarnissaata qularnaarnissaanik immikkut kissaateqarlunga. Taamaammat ataatsimut isigalugu isumaqatigiinniarnerni angusaasut naammagisimaarpakka, Kalaallit Nunaannilu suliniutinut aalajangersimasumik siunnerfilinnut 48 mio. kr. qularnaarneqarnissaat iluatsinneqarmat.

Isumaqatigiissutip ilaatut suliniutinut nungusaataanngitsumik sumiiffinnilu ataasiakkaani ingerlanneqartussanut 13,5 mio. kr. immikkoortinneqassapput, Kalaallit Nunaannilu inuussutissarsiutit takornariaqarnerullu inerisaaviginerannik siuarsaataasussat. Tamanna pissaaq sumiiffinni ataasiakkaani attaveqaateqarnerup annertusaavigineratigut aamma Kujataani igaffimmik nutaaliorfiusumik pilersitsinikkut.

Tamatuma saniatigut 18 mio. kr. qularnaarneqarput, kalaallit inuusuttut inerisarnerinut ilinniakkaminnillu ingerlatsiinnarnissaannut atugassat. Inuusuttagut siunissarivagut. Taamaammat inuusuttut aningaasaliiviginissaat taamaalilluni Kalaallit Nunaata siunissaata patajaatsumik tunngavilernissaa pingaartuuvoq, taama oqariartuuteqartoqarpoq.

Avalaap kissaateqarnera naapertorlugu Københavnimi Aalborgimilu kalaallinut inuusuttunut ilinniartunut inissiat pilersinneqarnissaannut aningaasat atorneqassapput, aamma suliniummut ’Sjómaq’-imut, naalagaaffeqatigiinnerup iluani inuusuttut ataatsimooqatigiinnerulerlutillu imminnut ilisarisimanerulernissaannik siunertaqartumut.

Ukiuni sisamani

IA naapertorlugu iluaqutaanissaa annerpaatinniarlugu suliniutinit qulini sisamaasut Siumut suleqatigalugu pisimapput.

Kalaallit Nunaannut pitsaasunik angusanik pilersitsiniarluni partiit suleqatigiissinnaanerat, Aaja Chemnitzip nuannaarutigalugu ilisimatitsissutigaa.

Taakku 48 millionit koruunit suliniutinut makkununnga agguataarneqarput:

  • Suliniut ”Sjómaq” – 12 mio. kr.
  • Kalaallit Nunaanni sumiiffinni ataasiakkaani attaveqaateqarnerup annertusaaviginera – 9,5 mio.kr.
  • Kalaallinut inuusuttunut ilinniartunut inissiat – 6 mio.kr. (ataatsimoorullugu suliniut)
  • Foodlab Kujataanut tapiissutit – 4 mio. kr. (ataatsimoorullugu suliniut)
  • Kalaallit Nunaanni kulturimut immikkoortitat – 4 mio. kr.
  • ICC-ip nunat tamalaat akornanni siulittaasoqarfianut tapiissutit – 3 mio. kr. (ataatsimoorullugu suliniut)
  • Kalaallit Danmarkimiittut VIVE-mit misissuiffiginissaat – 3 mio. kr.
  • Danmarkimi kalaallit suliffeqanngitsut suliffeqalernissaannik suliniutit annertusarnerat – 3 mio.kr.
  • Angutinik katsorsaasarneq aqqutigalugu persuttaasarnermik pitsaaliuineq – 2 mio.kr.
  • Kalaallit peqatigiiffiinut tapiissutit – 1,5 mio. kr. (ataatsimoorullugu suliniut)
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER