Skip to main content

Aningaasanut Inatsit: Akiitsut annilaarnartumik qaffassapput

Assigiinngitsutigut inuiaqatigiit kalaallit akiitsui annilaarnartumik qaffakkiartorput, taakku 2020-miilli ataatsimut isigalugit koruuninik milliardinik sisamangajanniit 2024-mi 7,2 milliardit koruuninut amerlissapput.

Namminersorlutik Oqartussat, ingerlatsiviit namminersorlutik oqartussanit pigineqartut, kommunit aamma kommunit inissiaatileqatigiiffii aamma ineriartortitsinermut ingerlatsivii akiitsuminnik amerliartortitsillutik aallartipput, tamanna 2020-mut aningaasanut inatsisissatut siunnersuummi takuneqarsinnaavoq.

- Annertusiartortitsineq ilimagisaq imatut agguarneqarpoq ingerlatseqatigiiffiit namminersorlutik oqartussanit pigineqartut koruuninik milliardinik ataatsimik akiitsoqarnerulissapput, aamma ingerlatseqatigiiffiit kommuninit pigineqartut 2,3 milliardit koruuninik akiitsoqarnerulissapput, inatsisissatut siunnersuummi oqaatigineqarpoq.

Erseqqissaatigineqarpoq imermit nukissiorfinnik angisuunik milliardinik akilinnik piviusunngortitsinissamut taarsigassarsiaqarsinnaaneq ilanngunneqarsimanngitsoq. Taamatuttaaq naatsorsuutigineqanngilaq mittarfinnit ingerlatsiviup Kalaallit Airports International A/S-mut tunngatillugu taarsigassarsisinnaaneq. Taamaalillutik akiitsut ukiuni aggersuni suli annertuumik amerleqqissinnaapput.

Mianersoqqusineq

Aningaasaqarnermut Siunnersuisooqatigiit upernaaq nalunaarusiamik kingulliup saqqummiunnerani mianersoqqussutigaat Ingerlatseqatigiiffimmi ataatsimi amerlanerniluunniit taakkunani aningaasaqarnikkut ajortumik ineriartorneq nunatta karsianut annertoorujussuarmik kingunerlutsitsisinnaanera.

Coronap nunarsuaq tamakkerlugu tuniluunnera innersuussutigalugu Aningaasaqarnermut Siunnersuisooqatigiit upernaaq allapput:

- Ajornartoorneq nunatta karsiani aningaasaqarnerup iluarseqqinnissaanik pisariaqartitsilerpoq. Tassani siunissami ajornartorsiortoqaqqilissappat ukiuni arlalinni sinneqartoorutit qulakkeernissaat aamma akiitsunik ikilisaanissaq kiisalu pinaveersaartitsinissat pisariaqassapput.

Aningaasanut inatsisissatut siunnersuut pillugu AG-mi sapaatip akunnerani matumani saqqummersumi paasisaqarnerugit:

 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER