aningaasaqarnermut inatsit
Aningaasanut inatsit piareerpoq
Nalakkersuisooqatigiit Atassut peqatigalugu inatsimmut atsioqatigiipput
- 2017-imut Aningaasanut inatsimmik isumaqatigiissuteqarnerput amerlanerussuteqarluartullu tunuliaqutsiinerat nuannaarutigaara, Aningaasaqanermut naalakkersuisoq Aqqaluaq B. Egede Inatsisartuni partiit amerlanerussuteqarluartut Siumut, Inuit Ataqatigiit, Parti Naleraq Atassutillu aningaasaqanermut inatsit 2017-moortoq isumaqatigiissutigereeraallu taama allappoq.
Atuaruk: Aningaasanut inatsisissap kinguartinneqarnera akuerineqarpoq
Kiffartuussinissamut isumaqatigiissut
Aningaasaqarnermut inatsit nutartigaq angallannermut amerlanernik aningaasaliisussaavoq.
Meeqqanut inuusuttunullu suliniutit aamma aningaasaliiffigineqarlutik. Taakkualu saniatigut Dronning Ingrid napparsimavissuani Nuummiittumi meeqqanut immikkoortortaqarlernissaa aningaasaliiffigineqarluni.
- Angallannermut tunngasumi patajaatsumik aaqqiissusiornerput nuannaarutigeqaara, taamaalilluni nunatsinni isorartoqisumik innuttavut naammaginartumik angalanissamut periarfissinneqarlutik”, Aningaasaqarnermut naalakkersuisoq Aqqaluaq B. Egede oqarpoq.