inissingajalertoq
Aningaasanut inatsit naammassilerpoq
Maanna 2016-imut aningaasanut inatsisissaq naammas sineqalerpoq, tamannalu pivoq ilaatigut kinguppa assat amerlinissaannik ilimasuuteqarluni akitsuutillu annertuunik appartinneqarnerisigut
Aningaasaqarnermut naalakkersuisunngorlaap Vittus Qujaukitsup (S) taamaallaat sapaatit akunnerata ataatsip missaani taamatut atuuffeqarsimasup novembarip 11-ani 2016-imut ningaasanut inatsisissaq aappassaaniigassatut Inatsisartunut saqqummiuppaa.
Naluneqanngitsutut suliarineqarnissaa sapaatip-akunneranik ataatsimik kinguartinneqarpoq Naalakkersuisuni nikittoqarnera peqqutaalluni. Maannakkut naalakkersuisooqatigiittut Siumut, Demokraatit Atassullu missingersuusiamut allannguutissanik 48-nik siunnersuuteqarput, oqaaseqaatini 15-ini allannguillutik kiisalu isertitassatut aningaasaliissutini 11-nik allannguutissanik siunnersuuteqarlutik.
Tamanna novembarip 10-ani ullulerneqarsimasumi Vittus Qujaukitsup Inatsisartunut akissutaani atuarneqarsinnaavoq. Naalakkersuisut nalilerpaat allannguutissatut siunnersuutit IST-mi (ingerlatsineq, sanaartorneq taarsigassarsititsinerlu) angusassatut missingersuusiarineqartut aningaasanut inatsisissami ukiunut siunnersuusiorfigi neqartunut 2014-2019 agguaqatigiissillugu ukiumut 40 million koruuninik pitsanngoriartitsissasut.
Taamatut malunnaatilimmik pitsanngoriartitsineq pissaaq 2016-imi kinguppattassat 66.500 tonsiniit 83.000 tonsinut qaffannerisigut uumassusilerisut siunnersuutaat tunngavigalugit.
– Tamanna aamma pisinnaavoq Pituffimmi kiffartuussinissamik isumaqatigiissutip maannamut isumaqatigiissuteqargineqartumut qaammatinik arfnilinnik sivitsorallarnerata kingunerisaanik, Vittus Qujaukit soq oqarpoq.
Aningaasanut inatsimmut tunngasut uani atuakkit
Allaaserisap sinnera Sermitsiami uani sapaatip-akunnerani saqqummertumi maanna pisiniarfinniilereertumi atuaruk. Uani aamma aasinnaavat: