finanslov 2015

Aningaasanut inatsit IA-p mattutivinngilaa

Inuit Ataqatigiit 2015-mut aningaasanut inatsit ullumi atsiorneqartoq pillugu taamatut qisuariaateqarput

Inuit Ataqatigiit 2015-mut aningaasanit inatsimmut isumaqatigiinniarnernit tunuarput, Assi toqqorsivimmit

Naalakkersuisunik isumaqatigiinniarnerit peqataaffigiunnaarniarlugit Inuit Ataqatigiinnit aalajangiuppaat, Aningaasanut inatsisissaq pillugu Aningaasaqarnermut Ataatsimiititaliamilu sulinertik nangissallugu, tassanilu suleqatigiikkumassuseq Naalakkersuinut naleqqiullugu annertunerujussusoq misigisarsimagamikku.

- Isumaqatigiinniarnit nalaanni maluginiakkavut tassaapput isumaqatigiinniarluni ataatsimeeqatigiittarnerit nalaanni arlaanik tusagaqariarluta, inersuarmi ataatsimiittarfimmi allanik ataatsimiititalianilu aamma allanik tusagaqartarluta. Ingerlatsineq tukappasippoq, Naalakkersuisullu qanoq tunaartaqavinnersut tunuliaquttatillu sutigut isumaqataatinnissaannut qanoq pinersut paasiniaraluarlugu soorlu pujorsuup iluaniiginnarluni. Aamma isumaqatigiissummut pinnersaatituinnaq atsioqataanianngilagut, angusassalli piviusut illersorsinnaasagut ujartortuassallugit, Inuit Ataqatigiit tusagassiuutinut nalunaaruteqarput.

Akuerissanerlugu naluaat
Illuatungiliuttut IA aningaasanut inatsisissap inaarutaasumik akuerineqannginnerani allannguutissanik kingullernik Aningaasaqarnermut Ataatsimiititaliami tamakkiisumik isiginnissinnaalernissarrtik qilanaaraaraat.

- Suliassartaalli maannamut ingerlanneqarallarmata pappialallu tamaasa Naalakkersuisunit suli tigusinnaasimannginnatsigit aningaasanut inatsisissaq tamakkiisoq akuerisinnaassanerlugu maannamut oqaatigisinnaanngikkallarparput.

Inuit Ataqatigiit 2015-mut aningaasanut inatsit atsiorneqaqqammersoq pillugu taama oqariartuuteqarput. Matumani ilisimatitsissutigineqanngilaq ullumi Naalakkersuisooqatigiit KNR aqqutigalugu 2015-mut aningaasanut inatsit amigartooruteqarnersoq sinneqartoornersorluunniit nalunaarutigimmassuk.

Powered by Labrador CMS