Skip to main content

Aningaasanut inatsisissatut siunnersuut sinneqartuulaartoq

Inatsisartut sipaarniuteqarnissaq oqallisigissavaat, Vittus Qujaukitsoq naqissusiivoq

Suli aalisarneq ingerlalluaraluartoq Naalakkersuisut aningaasanut inatsisissatut siunnersuummi ingerlatsinermi sanaartornermilu sinneqartooruteqalaarput.  

Siunnersuummi tassani, aningaasaqarnermut Naalakkersuisoq, Vittus Qujaukitsup (NQ) ullumi saqqummiussaani ingerlatsinermi sanaartornermilu iluanaarutit ukiup tulliani aningaasaqarnermut inatsisissamut 6,6 millionit koruuninut missiliunneqarput. Siumut qivialaaraanni, 2021-mi 2023-milu amigartooruteqartoqassaaq, naak aalisarnermiit isertitat suli qaffasissuunissaat missingersuutigineqaraluartoq. Tamanna ukiuni sisamani 1,7 millionit koruuninik sinneqartoorutaalaassaaq.

Vittus Qujaukitsup (NQ) saqqummiinermini erseqqissarpaa Inatsisartuni politikerit tunissutissanik agguaassinissaat inissaqanngitsoq.

- Siunnersuutit aningaasartuuteqqortuutitallit aningaasaliiffiginissaat siunnersuutigineqassapput, taanna oqarpoq.

Aamma 37,5 millionit koruuninik sipaaruteqartoqarnissaa missiliunneqarpoq, tassani aningaasat sumit tiguneqarnissaat suli aalajangerneqanngilaq.

- Sipaarniutinik piviusunngortitsinissaq aningaasaqarnermi inatsisip suliareqqinneqarnerani sammisani pingaarnersat ilagissavaat, aningaasaqarnermut naalakkersuisoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER