Skip to main content

Aningaasanut inatsisissaq 2020: Vittusip siunnersuutaa IMAK-ip isornartorsiorpaa

Meeqqat atuarfii pitsaanerusumik angusaqanngikkaangata kommunit aningaasaliissutaat Naalakkersuisunit ikilisinneqartalissapput. Taama iliorluni atuarfiit pitsaanerulersinneqarsinnaanngillat, IMAK-ip siulittaasua isumaqarpoq.

Meeqqat atuarfianni meeqqat angusarisaat pitsanngoriartunngippata naalakkersuisoqarfimmiit kommuninut aningaasatigut kinguneqartinneqartarnissaa Naalakkersuisut sulissutigivaat.

Aningaasaqarnermut naalakkersuisoq Vittus Qujaukitsoq (NQ) Aningaasanut inatsisissatut siunnersuut 2020-moortoq saqqummiunnerani taama ilisimatitsivoq.

- Allaanngilaq matunnginnerani uippakajaartut, IMAK-ip siulittaasua Birthe Møller Therkildsen tusagassiutinut nalunaarut naapertorlugu oqarpoq nangillunilu:

- Taamatut iliornikkut kalaallit nunaanni meeqqat atuarfiat kivinneqarnavianngilaq, akerlianiilli, iluaqutaanngilaq kalaallit nunaanni atuarfeqarfiit kommunit akornanni unammillilissappata. Misissuinerni takussutissaqanngilaq meeqqat atuarfii angusatigut pitsannguuteqassasut taamatut pillarneqarpata, allappoq.

Atuarfeqarnermi ilinniarfeqarnermilu aaqqissuusseqqinneq

Birthe Møller Therkildsen naapertorlugu ilinniartitaanermut naalakkersuisoqarfik meeqqat atuarfiat pillugu tallimanik assigiinngitsunik oqallisissianik saqqummiussaqarsimavoq. Oqallisissiat taakku Naalakkersuisut suliniutaannit “Ataqatigiissumik allanngorartumillu ilinniagaqarneq”-mit aallaaveqarput tusarniutigineqarlutillu.

Taamaammat siulittaasoq isumaqarpoq atuarfiit, pitsaanerpaamik angusallit annerpaamik aningaasaliiffigineqartarnissaannut unammisinneqassanngitsut.

Kommunit ikinnerusunik tapiiffigineqartalerpata meeqqat atuarfii aamma ikinnerusunik tapiiffigineqartalissapput. Oqallisissiallu tusarniutigineqartumiittut ilagigaluarpaat meeqqat atuarfiini aningaasaqarneq, allassimavoq.

IMAK-ip siulittaasuata erseqqissarpaa Naalakkersuisut naalakkersuisoqatigiinnissamut isumaqatigiissuteqartut, tassanilu Naalakkersuisut anguniakkatut ilanngussimagaat atuarfiit ilinniarfiillu pillugit aaqqissuusseqqinnissaq.

- Naluara suna upperissallugu. Naalakkersuisooqatigiinnissamut isumaqatigiissut atorunnaarami? Imaluunniit Naalakkersuisut meeqqat atuarfiat pillugu allamik politikkeqaleramik, imaluunniit nalulerpaat suna suliarissallugu nalugamikku kiap suna suliarigaa. Maannakkorpiaq naluara suna upperissallugu, Birthe Møller Therkildsen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER