Aningaasanut inatsisissap suliarineqarnera paatsiveqanngitsumik suliarineqanngitsoq Brobergip naqissuserpaa

Naalakkersuisut aningaasanut inatsisissatut siunnersuutaat tallimanngormat allannguuteqarpoq.

Inuit Ataqatigiinnit tamanna isornartorsiorneqarpoq.

- Tamanna sullarlunnerujussuuvoq aningaasanullu inatsisissatut missingersuusiaq tamakkiisumik pisup kingorna oqaaseqarfigissallugu ajornarsingaatsiarlni. Qanoruna paasisassaq? Sooruna ataasinngormat tunniiussaasoq suliarilluarneqarsimanngitsoq?, IA-p siulittaasua Sara Olsvig qisuariaateqarpoq.

Aningaasaqarnermut naalakkersuisoq Pele Broberg tamanna pillugu ima oqarpoq.

- Allannguisoqarnera eqqumiitsortaqanngilaq. Siunnersuummut atuutereersumut allanngortitsisoqanngilaq, piffissaliunneqarsimasoq qaangerlugu siunnersuut saqqummiunneqarsimasuuppat taamaaliorsimasinnaagaluarluta, Pele Broberg sooq Naalakkersuisut nutaamik aningaasamut inatsimmut siunnersuuteqarsimanerat nassuiarpaa.

Siornatigut Inatsisartuni saqqummiutsinnagu IA Naalakkersuisuutitaqarallarmat inatsisissamut siunnersuuteqartoqareersimasoq tikkuarpaa.

Immikkoortuni marluniinnissaat pissusissamisuunngitsoq
Siunnersuummi oqaasertaliussanut nutartikkanik ilanngussisoqarsimanera pissutaalluni aningaasanut inatsisissamut 2018-moortumut allannguuteqartitsisoqarpoq. 2019-imut aningaasanut inatsisissatut siunnersuut iluarsineqarluni.

Mittarfinnik sanaartornissanut aningaasaliinissat kiisalu Namminersorlutik Oqartussat suliffeqarfiutaasa Naalakkersuisunit piginnaatitsisalernissaat allannguuteqarfiuvoq, tassani Kalaallit Airportsimut aningaasaliisarnissaat eqqartorneqarlutik.

- Mittarfinnut tunngatillugu siunnersuuteqartoqareernera pissutaalluni siunnersuummi siullermi oqaaseqaatit ilanngunneqartut ilaanngillat. Suliassani immikkoortinneqarnissaat pissusissamisuunngilaq, tassami siunnersuut itigartinneqassagaluarpat aningaasanut inatsimmit peerneqartussaavoq, inatsisit malillugit sulineq ingerlanneqartussaammat. Siunnersuut akuersaarneqassappat aningaasanut inatsimmiinnissaa pisariaqassanngilaq, mittarfinnut inatsimmeereertussaammat.

Isumaqatigiinngissuteqarneq
Naalakkersuisunili tamanna isumaqatigiinngissutaavoq.

- Naalakkersuisuni amerlanerussuteqartut aalajangerpaat, oqaaseqaatit siunnersuummi ilaanissaat. Inatsisartuni ilaasortat ilaannit siunnertaqanngitsumik tatineqarnissaq pinngitsoorniarlugu tamanna ilanngunneqarpoq.

Taamaasilluni mittarfiliornissamut inatsisissaq ukiaanerani ataatsimiinnermi naammassineqartariaqarunnaarpoq, aningaasanut inatsimmi oqaaseqaatini ilaanera pissutaalluni, Pele Brobergip nassuiarpaa. Qulakkeerneqareerpormi Kalaallit Airportsip aningaasalerneqarnissaa. Naalakkersuisunit taamatut qularnaatsumik inissiisoqarnissaa piumasaqaatigineqarsimavoq.

Taamaasilluni aningaasanut inatsimmut eqquissanngilaq.

2017-mi isertitat 2019-mi akilerneqarsinnaanngitsut
2018-mut aningaasanut inatsimmut tunngatillugu oqaaseqaatit allanngortinneqarneri Sermitsiaq.AG-mit allaaserineqareerpoq. Siunnersuummi 2017 peerneqarpoq. Tassunga pissutaavoq, Pele Brobergip nassuiaaneratigut, Namminersorlutik Oqartussat suliffeqarfiutaanni iluanaarutigineqartut ukiup aappaani ukioq naatsorsuiffimmi iluanaarutit tiguneqartarnissaannut tunngassuteqarpoq. Taamaasilluni 2017-mi iluanaarutit 2019-mi tiguneqarsinnaajunnaarnikuupput. Aningaasanut inatsimmut ilaareernera pissutaalluni Tele-mi 2017-mi iluanaarutaasimasut immikkut ittumik Kalaallit Airportsimut nuunneqarsinnaapput.

- Paasisinnaanngilara sooq 2019-mut siunnersuummi ilaasinnaannginnera paasineqarsinnaanngimmat, oqarpoq.