Inatsisartut
Aningaasanut inatsisissap kinguartinneqarnera akuerineqarpoq
Aningaasanut inatsisissap inissinnissaanut Inatsisartut ullunik qulinik imminnut periarfissipput
Inatsisartut isumaqatigiittut ullumi nukinginnartumik inatsimmik suliaqarput, aningaasanut inatsisissap novembarip 25-anni akuerineqarnissaanut taanna periarfissiivoq.
Aningaasanut inatsisissaq novembarip 15-anni naammassereersimanissaa, inatsisitigut aalajangersagaagaluarpoq.
Atuaruk: Aningaasanut inatsisissaq piffissaqarfiginerujumavaat
Allannguinissamut piffissanngortoq
Naalakkersuisoqatigiinnik allannguinerup kinguneraa, aningaasaqarnermut naalakkersuisup, Aqqaluaq B. Egedep (IA), siunnersuummi allannguutissanik suliaqarnissamut piffissaqarumanera. Ilaatigut angallannermut kiffartuussinermut isumaqatigiissutinut aamma isumaginninnermut aningaasanik amerlanerusunik nassaarniaqqaarusuppoq.
Atuaruk: Naalakkersuisut aningaasanut inatsisissamik nutaamik saqqummiussisut
Inatsisartut ullumikkut siullertut siunnersuut nukingertumik suliaraat, taamaalilluni siullermeerineq, aappassaaneerineq aamma pingajussaaneerineq ataatsikkut pivoq.