Politikki

Aningaasanut inatsimmut siunnersuut ullumikkut saqqummiunniaraa

Randi Vestergaard Evaldsenip (D) pingasunngornermi aningaasanut inatsisissamut siunnersuutini siulleq saqqummiutissavaa

Aningaasaqarnermut naalakkersuisoq

Naalakkersuisut aappaagumut nunap karsianut isertitassanut aamma aningaasartuutissanut sunik naatsorsuuteqarnersut ullumikkut ulloqeqqanut paasissavarput.

Ukiat tamaasa inatsisissatut siunnersuutini tamanna soqutiginarnerpaatut isigineqartarpoq, naalakkersuisoqatigiit aningaasaqarnikkut politikkiminni angusaqarniarnerannut takusassaqartarnera pissutigalugu, aammalu inatsisissatut siunnersuutit amerlaneri kisitsisit naapertorlugit atuarneqarsinnaasarmata.

Minnerusumik annerusumillu tamaviaarnartoq
Randi Vestergaard Evaldsen (D) siullermeerluni aningaasanut inatsisissamut siunnersuummik saqqummiussilerpoq, politikerillu tamatuminnga akisussaaffeqartunut tamanna tamaviaarnartuujuaannarpoq.

Ukioq mannalu tamaviaarneq annertunerullunilu minneruvoq.

Atuaruk: Aningaasanut inatsisip ajornartorsiutit aaqqinngilai

Raajarniarnermit naatsorsuutigineqanngitsumik annertunerusumik isertitaqartoqarnera pissutigalugu, maanna aningaasaqarnikkut ajornartorsiutit ajunnginnerupput, aaqqissuusseqqinnernulli ukiut tamaasa iliuuseqartariaqarneq annertusiartuinnarpoq, ilaatigut innuttaasut ukioqquttusiartornerat ilutigalugu, nioqqutinullu akit qaffakkiartuinnarnerat aamma naalagaaffimmit tapiissutit nalikilligaluttuinnarnerat pissutaallutik.

Taassuma politikerip talerpilliusup aningaasaqarnermut inatsit oqimaaqatigiissaartoq suliariniarnerarnikuuaa, tassa amigartooruteqanngitsoq.

Qangali sinneqartooruteqartoq
Siumut, Demokraatit aamma Atassut aningaasaqarnermut inatsisissamik oqimaaqatigiittumik saqqummiussississanersut, ulloqeqqanut takussavarput. Tassa politikerit piffissaq qanittoq ungasissorlu eqqarsaatigalugu pisariaqartunik aalajangiisimanersut.

Ukioq 2012-imi kingullermi aningaasanut inatsisissamut siunnersuut kingullermik sinneqartoorutilik saqqummiunneqarpoq. Tamanna Maliina Abelsenip IA-mut aningaasaqarnermut naalakkersuisuunerata nalaani pivoq.

Powered by Labrador CMS