amigartooneq
Aningaasanut inatsimmik isumaqatigiissuteqarneq: 2016-mi aamma 2017-mi amigartoornerit annertuut
Naalakkersuisooqatigiit 2018-mi aatsaat annikitsumik sinneqartoornissartik naatsorsuutigaat
Naalakkersuisooqatigiit Siumumit siuttuuffigineqartut isertitat aamma aningaasartuutit oqimaaqatigiitilernissaanut piffissaq sivisooq atorneqassaaq.
Atuaruk: Sulisitsisut: Aningaasanik aqutsineq ernumanartoq
Isumaqatigiissuteqartut amerlanngitsut
Aningaasaqarnermut naalaakkersuisup, Vittus Qujaukitsup (S), pingasunngornermi isumaqatigiissut aningaasanut inatsimmut 2016-mut atatillugu saqqummiussinerani tamanna ersarippoq.
Isumaqatigiissuteqartut partiit Siumut, Demokraatit aamma Atassut amerlanngillat.
Amigartoorutit
DAU-mik taasat, tassa nunap karsiani aningaasat atorneqarsinnaasunik takussutissiisut, ukiuni tulliuttuni marlunni amigartoornissaat takuneqarsinnaavoq.
- 2016-mi 100,1 millionit koruuninik amigartoortoqassaaq
- 2017-mi 73,7 millionit koruuninik amigartoortoqassalluni
Atuaruk: Aningaasanut inatsit: Naalakkersuisut isertitsissutissanik nutaanik nassaarput
Sinneqartoorutit
Tamatuma kingorna naalakkersuisooqatigiit sinneqartooruteqalissapput, 2018-mi 64,1 millionit koruunit aamma 2019-mi 136 millionit koruunit. Taakkualu tunuliaqutigalugit partiit Naalakkersuisuutitaqartut ukiut sisamat iluanni 26,3 millionit koruuninik sinneqartoorlutik ingerlassapput.
Atuaruk: IA-p aningaasanut inatsit akuerinissaanut marlunnik piumasaqaateqarput
Amigartoorutit qaffariartut
Aningaasanut inatsisip 2016-mut siunniunneqaraluartup, Anda Uldumimit (D), aningaasaqarnemut naalakkersuisuusimasumit saqqummiunneqartut, maannakkullu inernerani amigartoorutit assigiinngitsorujussuupput. Taanna novemberip aallartinnerani stresserluni sivisuumik suliunaarallarpoq.
Atuaruk: Uldum stresserluni suliunnaarallarpoq
Aningaasanut inatsisissap saqqummiuteqqaarneqarnerani DAU-mik 2016-mut amigartoorneq 36,5 millionit koruunimiikkaluarpoq aammalu 2017-mut 79,8 millionit koruunimiikkaluarluni.
Taassumalu kingorna sinneqartooruteqalertussaagaluarluni, 2018-mut 2019-mullu naliliinerit maanna isumaqatigiissutaasumut assingupput.
Aamma atuaruk: Paarlaanneq akisussaaffinnik oqimaatsunik pingasunik Qujaukitsumut tigusititsivoq