Skip to main content

Aningaasanut inatsimmi naatsorsuutiginngisamik amigartoornerujussuaq

Aningaasaqarnermut ataatsimiititaliaq isertorluinnartumik paasitinneqarpoq, aningaasanut inatsisissaq millioninik hunnorujulikkaanik amigartooruteqassasoq. Tamatuma kingunerissavaa, akileraarutinut ilanngaatit maanna allanngortinneqannginnissaat.

Naalakkersuisut sipaarniuteqarnissaminnut piareersalerput, taakku ukiaanerani aningaasanut inatsimmut isumaqatiginninniartoqalerpat ulapissapput.

- … naalagaaffimmit tapiissutini akit aamma aningaasarsiat aaqqivigineqarnerisa kingorna malunnaatilimmik millioninik pingasunik kisitsisitalimmik aningaasanut inatsisissami aamma tamatuma ukiuni sisamani missingersuuteqarfigisaani amigartooruteqarnissaq naatsorsuutigineqarpoq, isumaliutissiissummi aningaasaqarnermut ataatsimiititaliap saqqummiuteqqammisaani tamanna allaqqavoq.

Allagaq allanut oqaatigeqqunngilsaq

Akileraarutinut ilanngaatit assigiinngitsut suliarineqarnerinut atatillugu, Naalakkersuisut allagaq allanut oqaatigeqqunngisaq aqqutigalugu ataatsimiititaliamik paasissutissiiniarlutik aalajangersimapput.

Amigartoorut pineqartoq ”aningaasanut inatsisissamut aningaasartuutinik ilanngussinnginnermi soorunami matuneqaqqaassapput”, isumaliutissiissummi tamanna atuarneqarsinnaavoq, ataatsimiititaliamilu ilaasortat tamarmiusut taanna isumaqataaffigaat.

Amigartoorutit aningaasanut inatsimmut isumaqatiginninniarnissani matuneqartussat 400 aamma 600 millionit koruunit tikillugit amerlassuseqartut, Sermitsiaq.AG-p tusarpaa.

Inatsisissatut siunnersuutip siullermeerneqarnerani politikerit arlallit ujartorpaa, inunnut ilanngaat qaffanneqartariaqartoq, 2005-imili aaqqinneqarsimannginnera pissutigalugu, taamaalillunilu akit aamma akissaaatit ineriartornerannut malinnaasimanngimmat.

Kingunissat

Ilanngaatit iluarsineqassappata, aningaasaqarnermut ataatsimiititaliap aningaasaqarnermut naalakkersuisoqarfik kingunissat pillugit apeqquteqarfigineranik tamanna kinguneqarpoq.

Akit aamma akissaatit ukiuni taakkunani aaqqinneqarnerit 28,8 procentiupput, tamannalu isumaqarpoq:

  • Inunnut ilanngaat 13.800 koruunit missaannik qaffassinnerussasoq
  • Nalinginnaasumik ilanngaat 2.900 koruunit missaannik qaffasinnerussasoq
  • Akileraaruteqanngitsumik B-mik isertitat 1.450 koruunit missaannik qaffasinnerussasut

- Ilanngaatit taamatut allanngortinneqarnissaata assigaa, inuiaqatigiinni akileraarutitigut tunngaviup 2020-imi maanna ilanngaatit allanngunnginnerinit 700 millionit koruunit missaannik appasinnerunerat, Vittus Qujaukitsoq ilisimatitsivoq, ilanngullugulu oqaatigaa:

- Ilanngaatit qaffanneqarpata aningaasaqarnikkut kingunissaa tassaassaaq, nunap karsiata iluanaarutitigut ukiumut 75 mio. kr. annaassanissai aamma kommunit iluanaarutitigut annaasai 225 mio. kr. missaanniissapput.

Akileraartarnermut aaqqissuusseqqinnissaq ujartoraat

Akileraartarnermut ataatsimiititaliaq isumaliutissiissummi ima oqaaseqarpoq:

- Ataatsimiitialiap naggataagut Naalakkersuisut piaarnerpaamik akileraartarnermut aaqqissuusseqqinnissap sivisuumik utaqqineqartup suliarineqarnerata suliarissagaa inassutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER