Skip to main content

Aningaasaliisut tapiinerisigut mittarfiit nutaat akilerneqassapput

Timmisartornerit siunissami tamanut akikinnerulissapput, Attaveqarnermut Naallakkersuisoqarfik Sermitsiamut nassuiaavoq. Kisianni mittarfiit tallineqarnerinut qanoq akissaqartoqassava?

Mittarfiliortiternerit kingunerinik timmisartukkut angalanerit akikinnerulissasut, Namminersorlutik Oqartussanit naliliisoqarpoq.

Suliniutimmi tamarmiusup tamanna siunertaraa. 

– Tunngaviusumik naatsorsuutigineqartariaqarpoq Kalaallit Nunaanni ornitanut pingasuusunut, tassa Nuummut, Ilulissanut aamma Qaqortumut angalanermi aningaasartuutit ikinnerulissasut, tassa aqqusaarneqartartoq ataaseq ‘peerneqarpat’. Ornitanit taakkunannga pingasuusunit nunami namminermi mittarfeqarfinnut allanut angalasunut ingerlaqqittussanut aningaasartuutit tamarmiusut aamma ikinnerulernissaat naatsorsuutigineqartariaqarpoq, Ineqarner, Sanaartornermut Attaveqaqatigiinnermullu Naalakkersuisoqarfimmi pisortaq Olafur P. Nielsen naliliivoq. 

Toqqaannartumik timmisartornerit
– Ileqqaarutissatut ilimagineqartup tamatuma naatsorsuutinut tamarmiusunut ilaatinneqarnissaa eqqarsaatigineqartunut ilaavoq. Tassa issakatsiaarfiit karruselillu ilanngullugit. 

– Qanorluunniit pisoqaraluarpat ammut killiliunneqartoq ullumikkornit pitsaanerusariaqarpoq, tassami aningaasartuutit arlallit peerneqartussaammata, piffissamik annertuumik sipaartoqarsinnaassaaq, Qaqortumi sullissinissamut isumaqatigiissuteqartoqarunnaassaaq, niuernerpalaartumik tunngavigineqartoq annertusineqassaaq, tassami Nuummut aamma Ilulissanut Europamit aamma Amerikamit Avannarlermit toqqaannartumik timmisartuussisoqartalissammat, Naalakkersuisoqarfiup pisortaa tikkuaavoq. 

Atuaruk: Siulittaasoq: Mittarfiit tallineqarnissaat imaassinnaavoq innersuussutiginngikkipput

Atuaruk: Mittarfiit pingasut Kalaallit Airportsimut katersuuttut

– Angalasut avataanit tikittut toqqaannartumik imaluunniit aqqusaarlutik Ilulissanukartut, Nuummukartut imaluunniit Qaqortumukartut sipaagaqarnissartik malugisinnaassagaat, Olafur P. Nielsenip paasivaa imalu nassuiaalluni: 

– Assersuutigalugu Nuup Kangerlussuullu akornanni angalanissaq sipaarneqassaaq. Taamaalillutami Københavnimit Nuummut toqqaannartumik timmisartorsinnaalissaagut. Tamanna nalunaaquttap akunnerisa sisamat missaannik sivisussuseqassaaq, tassa Kangerlussualiarneq sivisoqatigiinnassallugu. 

Aningaasaleeqataasussat 
Mittarfiliassat qanoq akilerneqassappat? 

– Nuummit Københavnimut siumut utimullu bilitsi akitsuutit maanna atuuttut naapertorlugit qanoq akeqassanersoq taama ingerlataqartunut apeqqutigaarput. Akissutigineqartuni oqaatigineqarpoq bilitsi akikitsoq (siusinaarluni inniminnigaq amerlasuunik killilersuutilik) 3.800 koruunit missaannik akeqassasoq, taanna nalinginnaasumik 4.400 koruuneqarpoq aamma kingusissukkut akileraanni (killilersuuteqanngitsoq) 4.800 koruuneqarluni.

– Tamanna akinit ullumikkut akilertakkatsinnit allaaneruvoq. Akimummi tassunga akitsuut ilanngunneqartussaavoq, taannalu mittarfiit pilersinneqarnerinut aningaasaleeqataasin- naavoq – aningaasaleeqataanermut taane- qartartumik. Assersuutigalugu Ilulissanut, Nuummut Qaqortumullu angalasunut immikkut ittumik 1.000 koruunimik akitsuusiisoqarpat, Københavnimit Nuummut uterlugulu bilitsi (maanna akitsuutaareersut ilanngullugit) 4.800 aamma 5.800 koruunit akornanni akeqassaaq aningaasalersornissaalu taamaalilluni inissinneqassalluni, Olafur P. Nielsen nassuiaavoq. 

Allaaserisap sinnera siunissami angallanneq pillugu paasissutissartaqarnerusoq Sermitsiami saqqummertumi nutaami atuaruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER