Skip to main content

Aningaasaatit annikinnerisa Issittumi ineriartorneq unitsippaat

Issittumi aallarnisaasunut suliffeqarfinnullu minnernut piginneqataassutitut aningaasaliinerit ineriartornissamik suliffissanillu pilersitsisinnaapput.

Issittumi aallarnisaasut suliffeqarfiillu minnerit akunnattullu piginneqataassutitut aningaasaliisussanik amigaateqarput. Tamassumalu ineriartorneq unikaallatsippaa. Nalunaarusiap Nunanut allanut tunngasunut ministeriap suliaritissimasaata tamanna takutippaa.

Suliffeqarfiit minnerit akunnattullu ineriartornerisa unikaallaqqanerannut piginneqataassutitut aningaasaliisussanik amigaateqarneq pissutaanerpaasoq, nalunaarusiap takutippaa.

- Piginneqataassutitut aningaasaliisussaqannginnerata issittumi nunat akornanni ineriartorneq unikaallatsippaa – pingaartumik suliffeqarfiit minnerit akunnattullu allilerniarnerisa nalaanni, nalunaarusiami inerniliussisoqarpoq.

Aningaasaannaalli amigaatigineqanngillat, suliffeqarfiuteqarneq piginneqataallunilu aningaasaliisarneq piorsarneqartariaqarput. Issittumi suliffeqarfiit minnerit akornanni annaasaqaataasinnaasumik aningaasaliuumasunit tigusisinnaanermut ileqqoqannginneq, nalunaarusiap tikkuarpaa.

Nalunaarusiaq, danskit naalakkersuisuisa nunanut allanut tunngasunut sillimaniarnermullu politikkianut atatillugu, Issittumi aningaasaqarnikkut inerisaasoqarnissaa anguniarlugu suliniuteqarnerani, Oxford Economics-imit suliarineqarpoq.

- Issittumi suliffeqarfiit niuertullu eqaannerusumik aningaasaliiffigineqartarpata, tamanna issittumi suliffeqarfiit nunat tamalaat niuerfiinut akuunerulernerannik, aningaasaqarnikkut ineriartornerulernerannik, sumiiffiillu immikkuullarissut atorluarnerulernerannik kinguneqassaaq, nunanut allanut tunngasunut ministeri, Anders Samuelsen (LA) tusagassiutinut nalunaarummini allappoq.

Issittumi aningaasaliissutinik aningaasaateqarfik

Danskit naalakkersuisui Issittumi Siunnersuisoqatigiit Issittumilu Aningaasaqarneq pillugu Siunnersuisoqatigiit aqqutigalugit suliaqassapput, suliaqarnerminni aningaasaliinerunissamut periarfissagissaarnerulernissaq anguniassallugu.

Tassunga tunngatillugu nalunaarusiaq arlalinnik innersuussuteqarpoq. Innersuussutigineqartut ilagaat issittumi nunat akimorlugit suliffeqarfiit minnerusut ataatsimoorlutik aningaasaliisoqarnissaanut neqeroorusiussasut, taamaasilluni nunarsuarmi suliffeqarfiit annerusut aningaasaliiumasut kajuminnerulersinniarlugit.

Issittumilu aningaasaliinissamut aningaasaateqarfimmik pilersitsisoqartariaqartoq, nalunaarusiortut isumaqarput. Taamaasiornermi periarfissat pingasuusut tikkuarneqarput:

Pisortaqarfiit nunat tamalaallu akornanni aningaasaateqarfiit oqaloqatigiissutigisariaqarpaat Issittoq tamakkerlugu atorneqarsinnaasumik aningaasaateqarfissualiussanerlutik.

Pisortaqarfiit nunat tamalaallu akornanni aningaasaateqarfiit oqaloqatigiissutigisariaqarpaat sumiiffinni assigiinngitsuni marlunnik amerlanerusunilluunniit aningaasaateqarfiliussanerlutik. Ataaseq Kalaallit Nunaanni, Islandimi Savalimmiunilu atuuttussanngortillugu – ataaserlu alla Sverigep, Norgep Finlandillu avannaani atuuttussanngortillugu.

Naggataatigullu oqaloqatigiissutigineqartariaqarpoq pitsaanerunersoq sumiiffinni piginneqataassutitut aningaasaliisartut, soorlu Greenland Venture, pioreersut nukittorsassanerlugit. Danskit aningaasaateqarfiata Kalaallit Nunaanni Savalimmiunilu suliaminik maanna annertusaalereerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER