Aningaasaatilissuup Vincent Tanip Malaysiami Berjayamik taaguutilimmik akisoorsuarnik akunnittarfiutillip, Nuummi akisuumik akunnittarfiliornissamik pilersaarutini taamaatissimanngilaa.

Aallaqqaammut pilersaarutaagaluarpoq Nuutuqqami akunnittarfik inissisimassasoq, innuttaasulli akerliunerisa malitsigisaanik akunnittarfiutillip pilersaarut taanna taamaatissimavaa.

Periarfissat marluk

Kommuneqarfik Sermersooq qaammatini kingullerni marlunni akunnittarfiup inissiffissaanik allanik misissuisimavoq, aningaasaatilissuup qaninnertut suleqataa Alex Tan Ghee Keong Sermitsiaq.AG-mut ilisimatitsivoq.

- Ereseqqinnerusumilli oqaatigisinnaanngilara, sumi akunnittarfiliorsinnaanitsinnut kommunip suut siunnersuutigisimanerai, akunnittarfissammi sumi pitsaanerpaamik inissinneqarsinnaanera pillugu nalilersuilluta suli naammassinngilagut, Alex Tan Thee Keong ilisimatitsivoq.

Inissiat 90-it

Malaysiamili aningaasaatilissuarmut siunnersortip oqaatigisinnaavaa, inissianik 90-it missaanniittunik, eqaarsaartarfittalinnik neriniartarfittalinnillu kiisalu mikisunik pisiniarfittaqarsinnaasunik sanaartortoqassasoq aalajangiunneqarsimasoq.

- Nuup Qinnguani inissiat sananeqassapput. Naatsorsuutigilluinnarparput Nuummi timmisartoqarfissaq nutaat naammassineqarpat inissianik nutaanik pisariaqartitsisoqalissasoq, Alex Tan Ghee Keong nassuiaavoq nangillunilu:

- Soorunami pilersaarutaavoq, akunnittarfinni sulisutta ilaannut inissiat attartortinneqarnissaat, tamarmilli sulisunut attartortinneqassanngillat. Sanaartorneq naammassineqarpat, illoqarfimmi innuttaasut allat attartornissamut aamma periarfissinneqassapput, taanna ilisimatitsivoq.

Akunnittarfiulitillip nammineq illussanik titartaasartuata Nuup Qinnguani inissiassat titartarsimavai.

Milliardilikkaanik nalilinnik sanaartortitsisartoq

Malaysiami akunnittarfiutilik aningaasaliissuteqarusulluinnartartoq Kalaallit Nunaannukalerpoq.

Berjaya Land Berhadip februaarip arfineq-aappaanni oqaatigaa, Myanmarimik isumaqatigiissuteqarsimallutik, tassani Yangonimit 16 kilometerisut ungasitsigisumi inissialiornissaq aamma pisortanit atorneqarsinnaasunik sanaartornissaq. Aningaasaliissutit Amerikamiut dollariannik 746 millioninik nalillit, tassa 4,4 milliarder koruunit nalingannut.

Nutaarsiassat

Inuiattut ullorsiorneq 2023: Nuummi puiseqqaanniuunneq

Ileqqoq malillugu juunip 21-anni Inuiattut ullorsiornitsinni puiseqqaanniuunnissamut peqataanissannut piareersimavit? Gummibådemik aquuteralammillu eqquisinnaavutit.

...

Assammik arsarnermi VM-imut arnat anngunniarnerat Inussivimmi ulluni 5.-11. juuni ingerlanneqassaaq

Inussiviup saavani biilit unittarfii killeqarput, tunngaviusumillu anngunniarnermi peqataasunut bussinut inniminnigaapput.

Taamaattumik innuttaasut tulliuttuni periarfissani biilit...