Skip to main content

Aningaasaateqarfik SISA akiliutinik appartitsisoq

Soraarnerussutisiaqarnissamut aaqqissuussinermut pinngitsoorani ilaanissaq Aningaasaateqarfimmut SISA-mut iluanaarutaasimavoq. Soraarnerussutisiaqarnissamullu Aningaasaateqarfiup taamaammat aalajangersimavaa, ilaasortat soraarnerussutisiaqalernissaminnut ileqqaakkaminnik uninngasuuteqarnerminnut akiliutigisartagaat appartissallugit.

Soraarnerussutisiaqalernissamut aningaasaateqarfimmi SISA-mi annertusiartortitsineq
qaffasippoq aamma tamatumunnga ilutigitillugu soraarnerussutisiaqalernissamut
aningaasaateqarfiup allaffissornermut aningaasartuutit aalaakkaasuutissimammagit
periarfissaqalerpoq Soraarnerussutisiaqalernissamut Aningaasaateqarfimmi SISA-mi
ilaasortat soraarnerussutisiaqalernissaminnut ileqqaakkaminnik uninngasuuteqarnerminnut
akiliutigisartagaat appartissallugit.

Aningaasaateqarfik SISA tusagassiorfinnut nalunaaruteqarluni allappoq.

Pisortaaneq Søren Schock Petersen naapertorlugu soraarnerussutisiaqalernissamut akileeqataassutit 2020-mi 19 procentimik qaffapput 2019-imut sanilliussilluni, tassa soraarnerussutisiaqalernissamut akileeqataassutit SISA-p 2020-mi Akileraartarnermut Aqutsisoqarfimmit pissarsiarisai ilanngaatigereerlugit. Annertusiartortitsineq 2021-mi ingerlaqqiinnarpoq taamaattorli qaffasissusia appasinnerulluni.

Soraarnerussutisiaqalernissamut Aningaasaateqarfik SISA aktialinnik imaluunniit allanit,
agguagarsiaqartussanik piginnittoqanngilaq. Soraarnerussutisiaqalernissamut
aningaasaateqarfiup iluanaarutai tamarmik tassaapput ilaasortat pigisaat.

Taamaattumik SISA akiliutinik januarimi appartitsivoq juulillu aallaqqaataani appartitseqqilluni.

Ilaasortat tamarmik appaaffigineqassasut

Ilaasortamut ataatsimut Soraarnerussutisiaqalernissamut Aningaasaateqarfik SISA
soraarnerussutisiaqalernissamut akileeqataassutinik appartitsinera akiliuteqartartumut
imatut kinguneqarpoq qaammatikkaartumik akiliut maannakkut 2021 tamakkerlugu
agguaqatigiissitsilluni qaammammut 8,40 koruuninut appasissuseqalerluni. 2020-mi akiliut
qaammammut 13,25 koruuniusimavoq, Aningaasaateqarfik SISA tusagassiorfinnut nalunaaruteqarluni allappoq.

Ilaasortat soraarnerussutisiaqalernissamut akiliuteqarneq ajortut aamma appaaffigineqassapput.

Soraarnerussutisiaqalernissamut Aningaasaateqarfimmi SISA-mi ilaasortanut
akilersuiunnaareersimasunut akiliut 2020-mi 4,50 koruuniniit agguaqatigiissitsilluni 2021-mi 3,20 koruuninut appartinneqarpoq, utoqqalillutik pensionisiallit 2020-imi 13,25 koruuninik akiliuteqartarput, maannakkut 2021-mi tamanna 10,40 koruuninut appartinneqarpoq, Aningaasaateqarfik SISA ilisimatitsivoq.

Ineriartortoq

Kalaallit Nunaanni suliffeqarfiit 200-nik amerlanerusut sulisumik soraarnerussutisiaqalernissaannut Aningaasaateqarfimmut SISA-mut akiliuteqartarput. Ilaasortat soraarnerussutisiaqalernissamut ileqqaagaat 2020-mi decembarip 31-ani katillugit 4,2 milliarder koruuningajalluinnarnik amerlassuseqarput. 2020-mi soraarnerussutisiaqalernissamut 355,2 millioner koruunit akiliutigineqarsimapput.

SISA-mit 2020-mi soraarnerussutisialinnut aamma ilaasortat sillimmaserneqarnerannut matusissutitut ilaasortallu qimataannut 59,7 milioner koruunit tunniunneqarsimapput.

SISA-mi ilaasortat puljenut marlunnut avillugit inissitaapput, ineriartornermut puljemi iluanaarutit ukioq maannamut 11,17 procentiullutik, patajaatsumillu ingerlatsinermi iluanaarutit 3,62 procentiullutik.

PFA-mi ilaasortat soraarnerussutisiaqarnissaminnut ukiuni 30-ni ileqqaagaqartut qanoq inissisimanerat apeqqutaalluni 2,6 aamma 11,9 procentit akornanni iluanaaruteqartarput. 

SISA-mi 2021-mi Soraarnerussutisiaqalernissamut ileqqaakkatigut iluanaarutit 
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER