Aningaasaateqarfik nutaaq pinngortitamut illersuinermi qulakkeerinnissaaq

Inuit Quality Clothes aningaasaateqarfimmik Nunatta pinngortitaanut iluaqutaasussamik pilersitsivoq. Aningaasat ilaatigut avatangiisinik illersuisartunut tunniunneqartassapput.

Atisaliortartut ilisimaneqarluartut INUIT arnanit marlunniit pigineqarpoq. Nunatta pinngortitaa illersorneqarnerunissaa qulakkeerniarlugu suliffeqarfik aningaasaateqarfimmik pilersitsivoq.

Aningaasaateqarfik Save Out Arctic-imik ateqarpoq, Save Our Arctic-imeersunik atisanik pisisoqartillugu 5 koruunit aningaasaateqarfimmut nakkartinneqartassapput.

- Inuit Quality Clothes-imi piujuaannartitsineq ukkatarivarput. Kalaallit isaaniit silaannaap allanngoriartornera annertunerusumik ilisimaneqalernissaa siunnertarivarput. Save Our Arctic pilersipparput nunatsinni avatangiisinut illersuisartut annertunerusumik tapersersorniarlugit, pinngortitap illersorneqarnissaa anguniarlugu, suliffeqarfik taama tusagassiuutinut nalunaarummini allappoq.

Nunatsinni silap allanngorataarsinnaanerulernera, immap sikusarnera, uumasut sumiiffii nikinnerat sermersuullu aakkiartornera silaannaap allanngoriartorneranut takussutaasut suliffeqarfiup naqissuserpaa.

Atisat piujuaannartitsisut qulakkeerneqassapput

Atisaliortartut 2012-imi Dorthea Rødgaardimit Hanne Kristiansenimiillu aallartinneqarpoq. Taakkua atisat Nunatsinnut tulluartut sananeqartalernissaat anguniartuarsimavaat.

IQC-p atisanik sanatitsinermi silaannarmut mingutitsinngittumik sananiarpoq.

- Annoraamernit piujuartitsisinnaasuniit suliarineqarnerat, pinngortitamik najugaqartunillu mingutsitsinnginnerpaanissamik pingaartitsisut, silaannaap pissusianik kiisalu sumiiffimmi najugalinnut, sunniutinik maluginninnerpaasussanut, sunniinissaq annikitsumiisippaat. IQC-p suleqatigisartagassanik aalajangiinnginnermi suliffeqarfimmi meeqqanik sulisitsinermut, peqqissutsimut sillimaniarnermullu inatsisit nunani tamalaani atuuttut ataqqineqarnissaat pingaartitaraa. IQC tusagassiuutinut nalunaarummi taama allappoq.

Powered by Labrador CMS