tunisinerit

Aningaasaateqarfik Ivalo & Minik legatinik pingasunik tunniussivoq

Legatit nunani allani ilinniartunut tunniunneqarput

Ivalo & Minik aningaasaateqarfik Kunngissap Frederiup aamma Maryp (assimiittut) marluliaataasa, prinsesse, Josephine Sophia Ivalo Mathilda aamma prins Vincent Frederik Minik Alexander

Ivalo & Minik Aningaasaateqarfimmi siulersuisut nunani allani ilinniartunut pingasunut legatinik tunniussivoq, aningaasaateqarfik ilisimatitsivoq.

Pissarsisut tassaapput:

  • Hans Peder Kirkegaard USA-mi ukiumi ataatsimi ilinniarnerminut atatillugu sungiusaatigalugu sulinissaminut Masterinngorniarnerminut atatillugu legatinnappoq. Ilinniarnermut atatillugu sungiusaatialugu sulinissaq sullivinni sisamani avillugu ingerlanneqassaaq ukunani, Maine International Trade Centerimi, Rambøll-Environimi, Eimskipimi aamma The Port of Mainemi.

  • Majken Djurhuus Poulsen ujarassiuujuvoq, Ph.D-nngorniarnerminullu atatillugu legatinnappoq Londonimi Tuluit Nunaanni 'The Gemmological Association of Great Britainimi atuarnissaminut atatillugu.

  • Melisa Larsen aasaru DTU-mi Arktisk Teknologimi bachelorinngussaaq. Legatinnappoq Minnisotami USA-mi 'Master of Geographic Information Sciencemi' ilinniaqqinnissaminut.

Aningaasaliisut sisamat
Legatit aningaasalersorneqarput aningaasaliissutit ukunaneersut tunngavigalugit Royal Arctic Line A/S, Royal Greenland A/S, Grønlandsbankens Erhvervsfond aamma NunaFonden.

Ilinniartunut aningaasaateqarfik
Ivalo & Minik aningaasaateqarfiat kalaallit kunngikkormiorpalaartumik ilinniartitaanermut aningaasaateqarfigaat.

Aningaasaateqarfiup siunertaraa legatinik kalaallinut, nunani allani qaffasissumik ilinniarusuttunut imaluunniit nunani allani piginnaanngorsaqqikkusuttunut aningaasanik tunnissuteqartarnissaq aamma ilinniarnermut atatillugu sungiusaatigalugu nunani allani sullivinni kattuffinniluunniit sulisunut.

Kunngikkormiut marlulissat
Aningaasaateqarfik Ivalo & Minik atserneqarpoq kunngikkormiutut ataqqinassusilik Prinsesse Josephine Sophia Ivalu Mathilda aamma kunngikkormiutut ataqqinassusilik Prins Vincent Frederik Minik Alexander, kunngikkormiutut ataqqinassusillip kunngissap Frederiup aamma kunngikkormiutut ataqqinassusillip Kronprinsesse Maryp qitornai atsiullugit.

Aningaasaateqarfik NunaFondenimit 2012-imi pilersinneqarpoq.

Powered by Labrador CMS