Aasiaat

Angutit pingasut ukiut qulit matuma siorna ajunaareersut: Annaasaqarneq annernaqisoq

Angutit pingasut Aasianneersut periarfeerunneqartut – timaasalu ukiup ataatsip qaangiunnerani nanineqarnerannit - ukiut qulit qaangiupput – ilaqutaasulli suli misigissutsikkut anniaateqaqaat

Aasiaat - assi toqqorsivimmit

2004-mi aggustimi angutit inersimasut pingasut Aasianni najugaqartut, Qeqertarsuarmi utoqqasaat isikkamik arsaallutik silami unammiuaarnerannut peqataapput.

Unammiuaarnerit naammassimmata angutit umiatsiaaqqamik Aasiannut uterlutik aallarput. Kingornali Aasiannut tikinngimmata periarfeerunneqarput, ujaasinerlu angisooq aallartinneqarluni. Naak imaatigut silaannakkullu ujaasineq annertooq ingerlanneqarluartoq kinguneqanngilaq, ujaasinerlu unitsiinnarneqarluni.

Ilaqutaasunullu tupannaqisumik aappaaguani juunimi angutit pingasut timaat Qeqertarsuup avannaani qeqertami Qeqertarsuatsiami nanineqarput. Ajunaartunut ilaavoq 35-nik ukiulik, Karl Brandt, aamma Boyemik taaneqartartoq.

Anaanaasup, ataataasup qatanngutaasullu aliasunnerat angeqaaq. Ernermik, qatanngummik asasamillu annaasaqarneq misigisaavoq misigissutsikkut annernaqisoq.

Allaaserineqartoq aviisimi Tamanut Avannaanimi atuarneqarsinnaavoq. Qaasuitsup Kommuniani pisartut pillugit aamma aviisimi atuarneqarsinnaapput. Aviisi akeqanngitsumik ataani aaneqarsinnaavoq:

Powered by Labrador CMS