ujaasineq
Angutit pingasut Nuummi ujajaallutik saassussisut ujarneqarput
Angut 44-nik ukiulik pinerluuteqartunit ilisimaneqanngitsunit pingasunit pingasunngornerup unnuaani saassunneqarpoq
Angut 44-nik ukiulik pingasunngornerup unnuaani nalunaaqutaq 01.00 aamma 01.15 akornanni imerniartarfimmit angerlartilluni pinerluuteqartunit pingusunit, 'Den Arktiske Havemi', Nuummi Annaassisitta Oqaluffiata eqqannguani saassunneqarpoq.
Taanna angut 44-nik ukiulik tunuminit saassunneqarpoq, uppisinneqarluni angutinit pingasunit aalajangerneqarpoq, aningaasivialu amerlanngitsunik aningaasartalik tiguaat.
Atuaruk: Nuummi angut savilisarluni ujajaasoq politiinit ujaarineqarpoq
Angutit pingasut ujarneqartut
Nuummi Politiit takunnittunik, saassussinermut imaluunniit piffimmi tassani pasinartumik takunnittunik ujartuipput.
Taakku angutit pingasut inuusuttut 20 - 25-llu missaata akornanni ukioqassangatinneqarput, kalaalerpaluttumik isikkullit. Tamarmik naatsunik taartunuk nujaqarlutillu taartunik atisaqarput.