Skip to main content

Angutit nunanut allanut unammisartut VM-imut anngunniutissapput

Assammik arsarluni nunanut allanut unammisartut angutitaat nunarsuarmi pissartanngorniunnissanut anngunniuteqataaqqissapput. Tassani inissaq ataaseq aallaavittut unammissutaassaaq

Assammik arsartartut nunanut allanut unammisartut Mexicomi anngunniuteqataassapput.

Unammersuaarneq apriilimi pissaaq, Timersoqatigiiffiit Assammik Arsartartut Kattuffiat tusagassiutinut nalunaarummi allapput.

Nunat unammisassat

Assammik arsartartut kattuffissuat IHF ukioq manna aalajangerpoq Pan Am marlunnut avinneqassasoq, taamaasilluni Amerikap avannaaniittut aamma Caribiamiittut kiisalu Amerikap kujataani nunat immikkut VM-imut anngunniuttalissasut. Taamaasilluni Kalaallit Nunaat Brasilia aamma Argentina anngunniunnermi unammisarunnaassavaat.

Kalaallit Nunaani Assammik Arsartartut Kattuffiani siunnersorti Poul Petersen Sermitsiaq.AG-mut ilisimatitsivoq, Amerikap avannaani ajugaasut kisimik VM-imut ingerlaqqissasut, kujataanit nunat sisamat VM-imut anngutissasut.

Inissat amerlineqarnissaat

- Amerikami avannarlermit annguttussat marluunissaat piumasarinikuuarput, tassami Amerikami avannarlermi Caribiamilu nunat Amerikap kujataanit amerlanerupput. Taanna suliaq suli naammassinngilaq, taamaattumik aallaavittut Amerikap Avannaani annguttussaq ataasiinnaassaaq. Tamanna pillugu amerikap kujataani kattuffik kiisalu IHF isumaqatiginninniutigineqarpoq, Poul Petersen oqarpoq.

- USA-mi Canadamilu timersuutip siuarsarneqarnissaa neriuutigineqarpoq, tassami USA-mi 2024-mi OL-ertoqartussaavoq. Ilaatigut oqaluuserineqarpoq immikkut ittumik VM-imut anngutitsisoqarsinnaanera, tamannali uagutsinnut qanoq sunniuteqassanersoq suli ilisimanngilarput, Poul Petersen oqarpoq.

Pan Am Nuummi ukioq kingulleq ingerlanneqarmat Kalaallit Nunaat sisamaattut inissippoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER