Pan Amerikanske Mesterskabit
Angutit nunanut allanut unammisartut Argentinaliartussat toqqarneqartut
Nunatsinni Assammik Arsartartut Kattuffiata unammisartut 16-it Amerikap Nunavissuani pissartanngorniunnernut peqataasussat toqqarpaat
Amerikap Nunavissuani pissartanngorniunnerit Buenos Airesimi Argentinami 11. - 19. juni ingerlanneqassapput.
Unammisartut 16-it uku toqqarneqarput:
- Patrick Frederiksen GSS
- Isak Olsen STIF
- Frank Mikkelsen GOG
- Aqqalu Ingemann GOG
- Lars Ole Lyberth GSS
- Miki Duko Sørensen GSS
- Nuuno Lars Olsen VIF
- Karl F. Frederiksen GSS
- Nuka Heilmann GSS
- Minik Dahl Høegh GOG
- Akutaaneq Kreutzmann GOG
- Milan Olsen N48
- Muusaarannguaq O. Søholm FIF
- Miki Heilmann GSS
- Inuujuk O. Søholm Norsaq HC
- Lars Møller N48
Sinniisussat marluk toqqarneqarput:
- Mikkel Ostermann Norsaq HC
- Taatsiaq B. Villadsen GSS
Aqutsisut tallimat Argentinaliaqataassapput:
- Niels Møller, Sungiusaasoq
- Ingi Olsen, Sungiusaasup ikiortaa
- Rasmus Larsen, Holdimut aqutsisoq
- Berit Duus, Timimik sungiusaasoq
- Kurt Lauritsen, Angalaqatigiinni aqutsisoq
Atuaruk: Amerikap Nunavissuani pissartanngorniunnissami Kalaallit Nunaata unammisassai aajuku
Sungiusaasoq isumalluartoq
- Naak uggornartunik peqataasinnaanatik nalunaartunik eqqugaagaluarluta isumalluarpunga, nunanut allanut unammisartunut sungiusaasoq, Niels Møller, Sermitsiaq.AG-mut oqarpoq, nangillunilu:
- Pissartanngorniunnissap sapaatip-akunneranik siuartinneqarnera, peqataasinnaannginnermut nalunaarnernik kinguneqarpoq. Unammisartut ilaasa misilitsinnissaat nalaaramikku. Tassani ilaatigut Gustav O. Egede, Inuk Olsen aamma Lukas Mylling Lings pineqarput. Danny Brandt ajoraluartumik aamma Argentinaliaqataassanngilaq, svendinngussalluni misilitsinniarami.
Atuaruk: Angutit unammisartut VM-imut anngunniunniutilersut
Aallarnissaq sioqqullugu sungiusaqatigiittoqassanngitsoq
Aallannginnermi Danmarkimi sungiusaqatigiinneq pitsaanerpaassagaluarpoq. Taamaaliortoqarsinnaanngilarli.
Tamanna GOG-mi unammisartut ujamminnanniunnermut suli peqataanerannik pissuteqarpoq. Taamaattumik nunanut allanut unammisartut Argentinamut tikereerunik aatsaat sungiusaqatigiissinnaappt, tassani pissartanngorniunnerit aallartinnginneranni ullualuit sungiusaqatigiissinnaapput.
Parisi aqqusaarlugu
Nunanut allanut unammisartut Københavnimit 8. juuni Air Francemik aallassapput, Parisilu aqqusaarlugu Argentinamut 9. juuni tikissapput. Nunanut allanut unammisartut 20. juuni angerlamut aallassapput.