Skip to main content

Angutit marluk pinngitsaaliisut suli tigusarineqanngillat

Nuummi Politiini paasiniaasartut Nuummi sullorsuarmi arnamik pinngitsaaliinermi suli unnerluussaqanngillat

Nuummi Politiit maajip 28-anni nalunaaqutaq 08.26 arnap angutinit marlunnit pinngitsaalineqarnerani suli paasisaqanngillat. Pinngitsaaliineq pivoq sullorsuarmi, angallammi festereerluni tassuunaqquunnerani. Tassani angutinit marlunnit pinngitsaalineqarpoq.
Aamma atuaruk: Sullorsuarmi pinngitsaaliineq suli paasineqanngilaq
– Angutit marluk suli tigusarineqanngillat, Nuummi Politiini paasiniaasartut Sermitsiaq.AG-mut paasissutissiipput.
Angutit taakkua marluk ilisarnaataat ilisimaneqarpianngillat, arnalli imatut oqaluttuarai:

A: Angut kalaaleq, ukiua nalunartoq, 175 cm missaani angissusilik, kiatitooq, taartunik isilik, umilik, taartumik kavaajalik
Aappaalu angut kalaaleq, ilisarnaatissaqanngitsoq.
Arnap oqaatigisimavaa angutit marluullutik Nuummiorpaluttumik oqaluttut. Ilanngullugu oqaatigaa pinngitsaalineqarnermini biilit arlallit sullorsuakkoortarsimasurt.
Suliassamut atatillugu oqaatigineqarsinnaavoq pisimasup paasineqarnissaanut paasissutissiisumut 5.000,- koruuninik akissarsiassaqartitsimmat. Akissarsisitsiniartup kinaassutsi isertuuppaa.
Nuummi Politiit attaveqarfigineqarsinnaapput telefon 70 14 48-mut sianerluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER