Skip to main content

Angutit marluk eqqaassutissamik serlersaarisimasutut maanna unnerluutigineqarput

Nuummi politiit angut alla Nuummi Hans Egedep eqqaassutissaanik serlersaarisimasutut unnerluutigaat. Taamaalilluni eqqaassutissanut serlersaarisarneq pillugu pinerluttulerinermi inatsimmi paragraffi immikkut ittoq malillugu angutit marluk unnerluutigineqarput.

- Maannamut angutit marluk, Hans Egedep eqqaassutissaanik serlersaarisimasutut killisiorneqarlutillu unnerluutigineqarput, Nuummi Politiini attaveqaqatigiinnermi ulisoq Camilla Palmann Sermitsiaq.AG-mut ilisimatitsivoq.

- Taakku marluullutik pinngitsuunerarput. Serlersaarisimanermut amerlanerit peqataasimanerannik pasitsaassaqaratta, suliaq suli misissuiffigaarput, Camilla Palmann ilisimatitsivoq.

Københavnimi pisimasumut attuumassuteqarnersoq misissorneqartoq

Marlunngormat unnuakkut Københavnmi Marmorkirkenip silataaniittoq Hans Egedep eqqaassutissaa qalipaammik aappaluttumik kuineqarsimavoq, ”decolonize”-lu allanneqarsimalluni.

-Københavnimi pisimasoq soorunami eqqumaffigaarput, tassungalu atatillugu Nuummi pisimasoq tassunga attuumassuteqarnersoq misissorlugu, Camilla Palmann ilisimatitsivoq.

Aqqalu Berthelsen, Nuummi Hans Egedep eqqaassutissaanut akerliusut sinnerlugit oqaaseqartartoq Sermitsiaq.AG-mut ilisimatitsivoq, Københavnimi taamatut iliortoqarsimanera ilisimanagu.

Misissuineq suli ingerlanneqarmat, aamma qalipaatip eqqaassutissamiittup piiarneqarnerani akiligassaq suli naatsorsorneqanngimmat, inunnut marlunnut taakkununnga tunngatillugu allagaq unnerluussutaasussaq suli naammassineqanngilaq.

Inuusuttut eqeersimaartut Tasiilaq kusanarnerulersippaat
Qaammatip ataatsip ingerlanerinnaani aappassaanik, Tasiilaq kusanarnerulerlunilu saligaannerulersimasoq innuttaasut takusinnaalerpaat. Taamaanneranut inuusuttut ilungersuussiumatuut qutsavissaraat.
Aasaanerani atuanngiffeqarnerup nalaani aaqqissuussinerit: Arsaq isertiguk, kiagugit aalisakkatullu nalloritsigigit
Aasaanerani atuanngiffinngorpoq tamannalu piffissaqarluartitsilerpoq. Taavami sulerissavit? Kommuneqarfik Sermersooq assigiinngitsunik pilersaarutinik arlalinnik aaqqissuusaqarpoq. Timersornissaq...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER